Page 33 - MIN ON_Neat

W ednesday, 25 M arch 2015 17:01
Comparti

Renaissance Convention Center a resulta chikito pa e cantidad di docentenan cu a mustra
interes pa haya mas informacion tocante aplicacion practico di e uzo di tecnologia den klas.
Minister di Enseñansa, Michelle Hooyboer-Winklaar a ilustra e integracion di tecnologia den
sistema di educacion dor di pone enfoke riba cambionan den enseñansa y ilustra e direccion
cu enseñansa ta bayendo.
Y aki no por keda sin pone luz con esaki ta wordo haci internacionalmente, pero tambe
ilustrando e esfuerso di docentenan cu ta haci uzo di otro opcionnan y ta aplica esaki na un
manera mas subtil, manera di iPad of tablet pa e maestro, kende ta proyecta informacion riba
un flatscreen.
Minister Michelle Hooyboer–Winklaar a subraya cu sistema di enseñansa ta beneficia
enormemente di digitalisacion. E modernisacion di enseñansa cu uzo di tecnologia ta refleha y
integra asina elementonan cu ta parti di e bida diario di e muchanan y ta yuda nan
adkiri e habilidad necesario pa nan desaroyo general den un mundo digitalisa cu ta conoce
cambionan rapido.
Aruba a conoce un crecemento rapido den tecnologia, na aña 2010 tabatin 21.801 cas na
Aruba cu tabatin conexion di internet pa computer y for di esaki 94.6% di esunnan cu ta yega
pa sigui estudio na VWO ta procedente di un cas cu computer.
“Mundo ta depende casi 100% di tecnologia y pa e generacion mas hoben esaki ta importante y
ta cu nan nos mester sigui evoluciona y cambia, pa sigura cu nan ta haya e miho ekipo posibel
pa recrea nan mente y asina yega na nivelnan inimaginabel”, Minister Michelle Hooyboer–
Winklaar a sigui splica na mas di 300 docente cu tabatascuchando cu gran interes.
Minister Michelle Hooyboer-Winklaar a haya un partner solido den Setar y hunto
ta reuniendo pa haci tur scol na Aruba accesibel na WIFI, cu ta safe, balansa y cu siguridad y
cu lo no wordo maluza.Tambe lo continua cu combersacionnan pa realisa e meta pa yega na
computer pa cada klas na Aruba y/of cierto otro instrumentonan di digitalisacion manera un of
mas tablet pa cada klas. E meta principal ta pa nos hobennan na scol por disfruta di un sistema
cu ta bay man den man pa loke ta progreso y desaroyonan riba tereno mundial pa cu
tecnologia.
“Hunto cu e departamento di ICT di Directie Onderwijs a inventarisa e situacion na varios scol
caba, incluyendo e disponibilidad di Internet y e hardware (computer, printer, tablet, etc) cu
tin ya caba na cada scol pa asina por traha un plan integral pa cu e introduccion di tecnologia”,
Minister Hooyboer-Winklaar a sigui splica.
Na final di atardi cada docente cu a participa na e simposio a ricibi un copia di e buki "Digitale
Reisgids, leermateriaal, bronnen, tools, werkvormen en rolmodellen" skirbi pa Louis Hilgers. E
autor a duna un splicacion tocante e contenido di e buki, cu ta un guia practico di fuentenan y
enfoke, pero tambe di temanan particular den practica pa integracion di material didactico
digital den enseñansa.
“Mi ta subraya e pensamento di John Dewey, Si nos siña studiantenan di awe, na e mesun
manera cu nos a siña nan ayera, nos ta secuestra nan mañan”, Minister Michelle Hooyboer–
Winklaar a termina bisando.