Page 46 - MIN ON_Neat

Concierto “In the Winds” preparando Special Olympics World Games

Publication: Thursday, 26 March 2015. Categoria: General

Digicel Aruba cu apoyo

ORANJESTAD (AAN): Digicel ya a inicia desde 2014 pa recauda fondo y asina cuminsa cu
ayudo valioso pa e delegacion di Aruba por participa na e Special Olympics World Games 2015,
cu ta tuma luga na Los Angeles, California. Un total di 30 atleta, super entusiasma a participa
den diferente preparacionnan p’asina ta bon prepara pa participa den e 7 diferente disciplina di
deporte.

Esaki ta di 5 biaha cu Aruba ta participa na Special Olympics World Games. Pa yega na un
participacion na unda e atleta ta bon representa e organizacion ta organiza diferente actividad pa
asina yega na fondonan.
Esaki lo ta e caso dia 11 di April 2015 na unda ta organiza e Concierto “In the Winds” cu
cantantenan popular manera, Ron Martis, Jerino Ridderstaat, Miguel Genser, Ester do
Nacimento, Edseline Figaroa y baile di Pop Corn Dancers. E concierto lo ta riba Freewinds y ta
inicia pa 8:00p.m. y ta costa solamente Afl. 50,00 pa persona.

Rachelly Diaz Wester kende ta forma parti di e 30 atletanan cu lo ta representando Aruba na Los
Angeles a conta di su experiencia como atleta, con su preparacionnan ta bay den Bowling y kico
e ta pensa di Aruba su support pa su team.
“Ta importante pa nos duna back, pesey nos lo haci nos best y train duro” Rachelly Diaz Wester
ta remarca mientras e ta mira su otro coleganan den deporte pa nan sosten.

Aruba den su totalidad mester tuma e palabranan aki y evalua e nificacion di duna un poco mas
cu nos por specialmente si ta trata di muchanan special.

Team Aruba lo participa den Bolas, Badminton, Atletismo, Ping Pong, Landamento, Bowling y
Futbol.

Tuyo Werleman, director di Fundacion Special Olympic Aruba a gradici Digicel pa nan sosten
grandi pa e muchanan special