Page 2 - AAA

Hefe di Douane awor na Palabra: Un biahero por bin te cu
400 florin na producto ora cu e bin for di vakantie

Monday, 17 July 2017 14:02
1

Comparti

Un di e cosnan cu toch a trece basta susto of a spanta hopi hende, trece tiki iritacion tambe, ta e
anuncionan cu a haci toch. Awendia hopi hende ta cana cu cosnan di balor riba nan. Tempo aya, bo no ta
cana cu celular ni nada. Pero douane su exigencianan a keda di e tempo ey cu kisas no a cambia.

E anuncionan aki a haci cierto cosnan fastioso. Ricky Croes, director di Douane, ta splica riba esaki,
vooral pa esnan cu ta bay cu vakantie. Douane ta bezig ta alerta hopi hende y no ta tur hende ta tum'e
facil, pasobra nan ta sinti incomodo pa sali. Croes a splica cu Douane ta traha cu ley y den ley tin cierto
vrijstelling poni pa esnan cu ta biaha. Normalmente, tur aña den Juli, ora di vakantie, como tambe
October of December, ora cu hende ta bay cu vakantie, semper ta duna un recordatorio kico ta e
derechonan cu nan tin ora cu nan bin bek. Den e caso aki ta algo cu a wordo poni y pa splica un tiki cu
ora cu ta bay afo, bo bin bek, semper tur cos ta paga invoerrechten. Despues di esey ta haya vrijstelling cu
ta pa e reizigersbagage. Ora cu cumpra algo afo, bo bin cun'e bek, bo tin cu paga. Ora cu bo bin cu cos
nobo, si Douane ta duda cu e por ta cumpra afo of na Aruba, hopi biaha douane ta bisa pa duna un
prueba y e prueba por ta un factura. Naturalmente, si tin un laptop nobo y un tas, hopi hende no ta bay
biaha cu factura. Pa proteha e biahero mes, ta pidi cu si acaso bo tin algo cu bo ta duda cu ora bo bin bek,
Douane por bisa cu e ta nobo y no tin ningun prueba cu b'a cumpre na Aruba y bay cun'e afo, e ta
preferibel pa bo bisa Douane of laga douane sa cu ta bayendo afo cu un laptop por ehempel, pero a
cumpre na Aruba y ta bay cune afo y ora di bin bek, bo no ta haya e ora un discusion cu Douane. Esey
tabata e intencion pa por a avisa e hendenan cu ora cu nan bin bek, nan mester tene cuenta cu Douane
por cobra y pa evita esey, ta miho pa laga Douane sa cu bo ta hibando algo nobo afo.

Douane ta bezig ta modernisando pa asina duna un miho
servicio na e brokernan

Monday, 17 July 2017 14:00
1

Comparti