Page 42 - AWEMAINTA

42 AWEMainta Diabierna, 19 Januari 2018

Internacional

Un tormenta fuerte ta laga un saldo di por

lo menos shete morto na Hulanda, Alemania y Belgica

UN mal tempo hopi fuerte cu ta asotando cen-
tro di Europa a laga no menos cu shete morto na

Hulanda , Alemania y Belgica, y como varios her-

ido. Concretamente, e bientonan di e mal tempo
cu a haya como nomber Friederike, a provoca tres

morto na Hulanda, caminda otro seis persona a

sufri heridanan di diverso consideracion y a trese
cun’e tambe e interupcion di trafico riba algun

caretera y cancelacion di trein y di vuelonan.

Prensa Hulandes a informa cu ta trata di e tor-

menta di mas fuerte for di aña 1990 y autoridad-
nan a recomenda pa e trucknan cu ta biahando

sin carga, cambia e fecha di nan biahe, como cu

ya caba algun lo a accidenta riba caminda.
Den un di e accidentenan, un homber di 62 aña

cu a sali for di su truck pa kita un taki for di
caminda, un otro a cay riba dje e momento ey

ocasionando su morto instantaneamente. E su-

cedido aki a tuma lugar na e localidad di Wesen-
berg, parti noord di Hulanda.

E di dos victima mortal tabata otro hende homber

cu tabata den su vehiculo ora cu un mata a cay
ariba dje, den e region di Enschede.

Den otro incidente, e chauffeur di un autobus
escolar a resulta herida gravemente y cinco mu-

cha a sufri heridanan di consideracion diverso,
despues cu e vehiculo a dal contra un mata pa

causa di e tormenta. Segun informacion sumi-

nistra pa departamento policial, e accidente di
e autobus escolar a tuma lugar den e region di

Brabant, ora cu e chauffeur a perde control di e
vehiculo y a dal contra e mata debi na e condi-

cionnan meteorologico.

E tormenta, cu bientonan di hasta 143 kilometer

pa ora, a activa codigo cora na Hulanda y tambe

a provoca ceramento temporal di e espacio aereo
di aeropuertonan di Amsterdam y Rotterdam,

provocando cancelacion di cientos di vuelo.