Page 22 - AM230209

22 AWEMainta Diahuebs, 9 Februari 2023

Entiero di Melvin A Tromp:

Despedida di un gran

luchado pa husticia social

we lo tene e entiero di e conocedo politico y

A miembro di Parlamento di Aruba, sr. Melvin A
Tromp. Siman pasa dia 31 di januari, den ora di mer-
dia a drenta e tristo noticia cu Melvin Tromp a fayece
na Medellin, Colombia. E tabata malo pero a sa di tene

esaki como un secreto pa mayoria di su amigonan y
pa su famia.

Diasabra cu a pasa e curpa di Melvin Tromp a bolbe

Aruba y a wordo ricibi door di su rumannan y amigonan
di partido AVP.
Pa e despedida y entiero di sr. Melvin A Tromp a traha
un programa cu ta encera entre otro un “reunion

extra-ordinario” di partido AVP na Cas di Partido. Esaki
lo tuma luga diaranson dia 8 di februari entre 7’or y
9’or di anochi. Den e sala grandi na Cas di Partido lo
reuni pa rindi tributo na Melvin A Tromp pa su lucha

pa husticia social na Aruba. Famia di Melvin A Tromp
lo ta presente pa ricibi condolencia. Melvin mes no lo
ta na Cas di Partido diaranson anochi. Entre otro un
di e yiunan di Melvin A Tromp y algun amigo lo hiba

palabra.

Entiero
E entiero di Melvin A Tromp lo tuma luga awe dia 9 di

februari. Lo sali di San Nicolas pa bini Playa pa para un
rato dilanti di edificio di Parlamento di Aruba. Eynan
miembronan di Parlamento lo para pa dispidi y lo pone
un krans den e cherche. Despues lo core pa bay para

na Cas di Partido den Rancho. Eynan lo para pa mas o
menos 30 minuut pa duna miembronan di Partido AVP
e oportunidad pa dispidi di nan amigo y colega Melvin
A Tromp y pa duna e famia condolencia.

Lo bolbe bay San Nicolas pa bay para den Misa Santa
Theresita, caminda lo tene e ceremonia di misa y
acepta condolencia. Finalmente lo hiba Melvin A

Tromp pa santana Catolico den Zeewijk. Despues di
entiero y un dia largo, no lo ricibi condolencia na cas.

Famia di Melvin A Tromp kier gradici tur hende cu di

un forma of otro a yuda consola y yuda nan den e www.awemainta.com
tristeza profundo aki.