Page 23 - AVP

Anchelino Vrolijk Di POR: San Nicolas, E Cuidad Cu

Lo Ta Bek Riba Mapa Economico

 Politica
- 19/11/2019

Durante diferente decada nos por a wak con poco poco San Nicolas tabata bayendo atras
economicamente, mientras cu nos por a wak e area di Oranjestad y Palm Beach crece
economicamente.

Ainda hopi di nos por corda con famianan tabata bay Coruba (actual BSL) pa haci
compras, o bay Janchi Jewelers den caya principal di San Nicolas pa cumpra joyas o laga
drecha joyas, o e barberonan cu tabata situa den e caya di Las Vegas Bar bay abou.

Segun Anchelino Vrolijk, nos por corda Kong Ming Supermarket (actual Macro) con riba
diasabra e lugar tabata yena completamente cu cliente. Actualmente e lugarnan aki no ta
existi mas. Alabez nos por a wak con scolnan a sera den e area di San Nicolas, pasobra no
tin suficiente alumno, mientras cu otro scolnan a fuseer hunto p’asina por tin ainda
suficiente alumno.

E epoca aki di decadencia ta yegando su final. Cu e binimento di Secrets Baby Beach nos
lo por wak un San Nicolas cu lo sa di florece bek y asina forma un parti crucial den
Aruba su economia.