Page 58 - AVP

Rocco Tjon (MEP): Desesperacion Di Mike Eman Y

AVP No Conoce Limite

 Featured
- 19/11/2019

Awor cu Gabinete Wever-Croes a sera presupuesto 2020 cu un surplus di 29 miyon
florin, sin sugar-tax, AVP ta mas determina ainda pa perhudica e pais aki. Un otro motibo
dicon AVP t’asina rabia ta pasobra durante e ultimo reunion cu Parlamento tabatin na
WEB diabierna ultimo, a wordo confirma cu dentro di poco lo anuncia rebaho di prijs di
awa. Asina lider di fraccion di MEP, Rocco Tjon a duna di conoce.

DENUNCIA FALSO
Aworaki cu nos pais ta bayendo den e rumbo corecto y situacion ta drecha nos por tuma
nota cu Mike Eman ta laga haci un denuncia falso contra Prome Minister sra. Evelyn
Wever-Croes. Tambe nos por tuma nota cu e biaha aki si Robert Candelaria, cu conoce e
aparato hudicial, no a laga su mes wordo uza dor di Mike Eman, y e no a bay Ministerio
Publico.

E biaha aki pa manipula pueblo Mike Eman a uza dos candidato di AVP cu conoce
retonan intelectual, bou capa di fundacion AVP, pa bay Ministerio Publico. Un fundacion
di AVP cu lo bay combati corupcion? Pero e dos caranan aki t’esnan cu a permiti pa un
Minister cu ta wordo sospecha di corupcion sigui cobra.