Page 3 - CMB

Diahuebs, 20 Mei 2021 AWEMainta 7

En conexion cu Emergency Medical Services Week

Aruba Bank ta reconoce trahadornan

di Ambulance pa nan trabou

DURANTE full aña nos isla ta conta cu nos
trahadornan di ambulance, cu ta duna tur di nan parti
pa brinda un servicio di emergencia di calidad, na
momento cu esaki ta necesario. Nan ta disponibel pa
nos, 24 ora pa dia, tur dia di siman. Nan esfuerzo ta
di admira.
E siman di Emergency Medical Services Week,
t’e siman di 16 – 22 di mei. E lema di e aña aki ta
‘Caring for Our Communities’. Esaki ta un siman
di consientisacion y di reconoce e trabou cu e
trahadornan aki ta eherce, un trabou di admira, y cu
sigur nan ta haci cu hopi amor.

E siman di Emergency Medical Services Week na
Aruba, a cuminsa diadomingo cu un bunita Santo
Sacificio di Misa na Kapel di Alto Vista, caminda cu
e trahadornan di Ambulance a presenta hunto cu nan
famia pa ricibi un bendicion.

Awe, Aruba Bank a invita un grupo di trahadornan pa
nan ricibi un ‘token of appreciation’, den forma di un
gift voucher, cu lo wordo otorga na cada trahador di
ambulance. Di e forma aki Aruba Bank kier gradici
cada un trahador pa nan trabou, y alabes kier trece
conscientisacion riba e importancia di mantene nos
mes safe, y yuda otro na momento y di e forma cu
nos por.
Riba e foto por mira momento cu representante di
Aruba Bank ta haci entrega oficial di e gratitud aki na
sr. Liberato Hoek – Operations Manager Servicio di
Ambulance di ImSan.