Page 11 - MIN SJA 30 MAART 2016

Minister Paul Croes ta uni su mes na World Autism Awareness Day

Publication: Tuesday, 29 March 2016. Categoria: General

ORANJESTAD (AAN): E aña aki dia 2 dia april Mundo henter ta celebra “World Autism Awareness Day”.
Un dia caminda, bao iniciativa di nacionnan uni (UN), organizacion nan rond mundo henter ta pone enfoke riba e

importancia di e concientisacion pa cu autismo y caminda cada un ta celebra e dia aki den un forma special cu nan
comunidad.
Aruba tambe ta uni nan mes na e dia aki mirando cu nos tambe ta conoce muchanan cu autismo. Autismo ta un
condicion neurologico cu ta afecta e comportacion di un persona.

Pa es rason ta importante pa detecta e sintomanan trempran y atende cu nan pa asina cada mucha por desaroya
nan habilidadnan mas mihor posibel. Autismo enberdad ta un desabilidad pero esaki no mester keda mira como un
limitacion. Sinembargo, aunke cu dia pa dia ta dedica mas pa sinja y haya sa mas di e deshabilidad aki, ainda no tin
un diagnostico preciso of un cura pe.

Esaki ta netamente loke ta haci e luna di April y e World Awareness day uno asina special como cu
organizacionnan individual rond mundo ta uni pa dialoga riba estudionan, diagnosticonan y tratamentonan pa
muchanan cu Autismo.

Tur esaki den un esfuerzo pa duna cada un persona cu e discapacidad aki un miho calidad di bida. Tur cu riba e
dia aki kier duna sosten na e causa por haci esaki simplemente por medio di bisti na blauw mirando cu esaki ta e
color cu riba dos di April ta e color oficial pa sostene e World Autism Awareness day.

http://www.diario.aw/2016/03/minister-paul-croes-ta-uni-su-mes-na-world-autism-awareness-day/