Page 37 - MIN SJA 30 MAART 2016

4 Djarason 30 Mart 2016

...Presidente VMSC dr.
Saleh jr.: Ta hasi tur
manera pa kore ku tur

spesialista lokal...

SVB SPLIKA A
BASE DI KIKO

ENTRADA
SPESIALISTANAN

A SUBI

WILLEMSTAD.- E
asosiashon di spesialistanan
di Kòrsou (VMSC) ke haña
klaridat riba ponensianan
di Banko di Seguro Sosial
(SVB) ku lo a indiká ku
entrada di spesialistanan
a subi. Presidente di VMSC
dr. Saleh jr. ta splika ku
spesialistanan a entregá
10% di nan entrada despues
di introdukshon di seguro
básiko, sin konta e echo
ku pa 30 aña kaba nan no
a konosé indexering di nan
tarifanan.

Pa kuminsá VMSC a
mustra ku Cathlab, ku
ta un departamentu ku
ta spar komunidat hopi
plaka, un bes mas tin
problema ku kontinuidat
pa motibu di problemanan
di invershon i un maneho
sin input di profeshonalnan
den kuido lokal. Esaki
por kousa Kòrsou di
pèrdè e spesialista lokal/
kardiólogo di intervenshon
Sam de La Fuente i su tim
di enfermeria, kendenan
ta forma e fundeshi di e
produkto di kalidat aki.
E lastu simannan aki
VMSC ta intermediando
pa prevení esaki, pero e
insistensia den tèrkedat di
konseheronan polítiko di
gobièrnu i SVB, kombiná ku
falta di resistensia di banda
di e direktiva di SEHOS,
aparentemente tin prioridat
riba mantenshon di e kalidat
di kuido i mantené yunan di
tera komo profeshonalnan
den kuido.

E úniko kos ku e
generashon nobo aki di
yunan di tera profeshonal
den kuido ta pidi, ta
espasio i oportunidat pa
por duna kuido na nan pais
na un nivel haltu i segun
normanan internashonal.
Aparentemente esaki ta di
mas pidí.

Un atvertensia klaro
di e sentro ulandes pa no
bai over na un struktura
di traha ku speshalistanan
suplente for di Ulanda, pero
pa mantené un yu di tera
komo suheto sentral di e
proyekto ta wòrdu ignorá
pa solamente un motibu:

Sigui lesa pagina 43