Page 16 - AM230216

16 DEPORTE AWEMainta Diahuebs, 16 Februari 2023

Aportando pa deporte local sigui crece

CMB patrocinador principal di e

“3-daagse Mountain Bike race”

rganisa pa medio di Tri-Bike
O Team Aruba y su grupo balente

di boluntarionan y demas sponsor-
nan, un biaha mas Caribbean Mer-
cantile Bank N.V. (CMB) ta patroci-
nado principal di e serie di careda

cu a tuma luga durante weekend cu
pasa durante 3 dia consecutivo riba
mountain bike.

Mas o menos 150 hende muhe y
hende homber, incluyendo mucha
desde 6 aña, te adultonan yegando
70 aña, como tambe coredonan di

Boneiro, Curaçao y Estados Unidos
a registra pa participa pa evento
aki cu e inicia diabierna anochi den
biento friu cu un circuito cortico

estilo “sprint” riba veld di S.V.
Estrella na Santa Cruz, sigui pa
diasabra atardi den seronan di nos
Parke Nacional Arikok cu un circuito

largo, y culminando diadomingo
mainta den un circuito cortico pero
cu su retonan fiho den cercania di
ruinanan di Bushiribana.

Un evento cu sigur ta duro pa sigui,
pero cu suficiente entrenamento
y dedicacion ta completamente

manehabel, caminda por disfruta
di variacion di tereno, tecnica, y
manera semper naturalesa liber y
bunita cu nos mester proteha na

Aruba.

Un gran pabien ta bay na e ekipo
organisado pa un evento bon

hinca den otro, como tambe na
tur cu a participa specialmente e
sernan femenino cu sa di registra
y enfrenta e reto e fin di siman cu

pasa, logrando premionan den nan
categoria distinctivo.