Page 25 - DIARIO 06- DECEMBER 2021 COMPLETO.indd

DIALUNA 6 DECEMBER 2021 DIARIO PAGINA 25
Amigonan prefera nan gazebo na cas

pa nan get-together

ORANJESTAD (AAN): Den fin di siman, DIARIO a
pasa pa mira celebracion di algo unico.
Djis un grupo di famia- y amigonan, kendenan
envez di bay riba caya den fin di siman, ta prefera
di sinta hunto pa asina pasa momentonan agradable
na cas mes. Y Diasabra atardi nan a organiza un
happening.
Ina Tromp a mustra cu nan a celebra e di siete
lustro di gazebo renoba pa Eddy’s Club y Jon Kelly.
E gang cu tur ora celebra aki abao, a yama nan mes
awor “Paga Bo Luz Bar”. E ta un nomber introduci
pa Ina su yiu muher.
Tur weekend, durante henter aña bo ta haya nan sinta
eybao ta uni, ta combersa, ta discuti riba topiconan
actual, y goza di un pasaboca of algo di bebe.
Pa celebracion di e siete lustro di e gazebo, nan
a hasta busca T-shirt pa mustra cu nan ta pertenece
na ‘Paga Bo Luz Bar’. “Nos ta hende cu ta pasa
momentonan alegre, y safe na cas,” Ina a indica na
DIARIO. “Nos tin di goza bida, pasobra mañan bo
no sa.”