Page 27 - Min.TTC 31 March'15

APA ta yama bon bini na proyectonan maritimo den cuadro
di rapport maritiem toekomst

M onday, 30 March 2015 18:43
Comparti

Director di Aruba Ports Authority Jossy Figaroa ta hopi contento cu e actividad y proyectonan
maritimo cu ta bin Aruba
, mas aun mirando cu esakinan lo genera entrada pa tanto APA y pa Aruba .Esaki ta un bon
señal pa lo cual ta bay sosode na Aruba. Papiando di waf aki ta papia di e ‘kade’, cu lo bay keda
cla fin di juli. Ya caba por mira cu tin hopi interes for di mas compania cu ta bay bin haci uso
di nos waf, y esaki ta algo sigur pa ta hopi contento cu ne, Sr. Figaroa ta bisa. Manera Minister
Oduber a indica tambe ta cu e maneho cu tin stipula pa den futuro bay hopi mas den e
direccion ey y esey ta algo bon, pero si mester tene cuenta cu kico esaki ta encera y kico nos
mes mester haci aki na Aruba pa logra esaki. Sr. Figaroa a bisa cu a puntra e profesionalnan di
Seaway kico ta pone cu nan a bin akin a Aruba y nan contesta tabata uno simpel , pa nan loke
ta haci e diferencia ta e calidad di servicio cu ta wordo ofreci. E bon servicio no ta solamente lo
cual APA ta ofrece pero ta mara tambe naE manesahe di Sr. Figaroa tabata uno cla, unda el a
bisa cu mester compronde cu pa duna un bon servicio nos cada un ta depende di otro.
Nos mester percura cu cada un bishitante crucero of stayover, haya un bon trato y esaki ta
conta tambe den caso di proyectonan manera esun di Seaway y Dammers Group cu nos mester
percura pa trata e trahadornan cu ta hospeda na Aruba bon. Pa APA esaki ta un aspecto hopi
importante y diariamente ta purba brinda e mihor servicio cu ta posibel na e bishitante. Sr.
Figaroa di APA a haci uso di e oportunidad pa gradici Dammers Group y Seaway Heavy Lifting
pa ta e promenan cu ta haci uso di e waf nobo, y pa ta esunnan cu ta bay mustra e otro
companianan cu esaki ta e caminda pa bin. Tambe ya caba tanto Dammers Group como
Seaway a indica di tin hopi proyectonan cu lo bay tuma lugar den e region di Golf y Latino
America y ta premira di lo por usa Aruba como Homeport, esaki ta significa cu nan lo bay sali
di Aruba pa ehecuta e proyectonan ey, Sr. Figaroa ta splica. Una bes cu otro companianan mira
e exito di e proyectonan aki, nan tambe lo kier cuminsa haci uso di Aruba como tal. Finalmente
Sr. Figaroa ta gradici Minister Oduber y Director di Directie Scheepvaart Carlyle De Coteau pa
hunto traha riba e proyectonan aki y ta satisfecho cu e manera cu ta trahando y si sigui cana e
caminda awor aki na e forma aki, sigur e lo contribui na un exito mucho mas grandi pa
proyectonan den futuro.

Comentarionan (1)

Mustra/Kita comentarionan
walishali
March 30, 2015
2 0 1 .2 2 9 .7 6 .9 3
Votes: +0

...