Page 7 - AAA 17 DEC 2015

A nenga Aserca vuelonan charter a base di evaluacion hunto
cu partnernan

Publication: Thursday, 17 December 2015. Categoria: General

Otmar Oduber:

ORANJESTAD (AAN): Diferente partner den e industria di turismo, esta Aruba Airport
Authority N.V., Aruba Tourism Authority y Aruba Hotel and Tourism Association, tabata parti
di e combersacionnan cu a resulta den e decision politico di parti di Minister di Turismo Otmar
Oduber pa nenga aerolinea Aserca 25 vuelo charter adicional entre Venezuela y Aruba pa e
temporada di Fin di Aña.

Minister Oduber a splica cu e aerolinea lo a pidi e permiso pa e vuelonan prome na departamento
di aviacion civil di Venezuela, y tabata apenas ora cu nan a haya e autorisacion na Venezuela,
nan a dicidi di manda nan peticion aden na Aruba. Un di e erornan cu nan a comete tabata cu
asina cu nan a haya e autorisacion for di Venezuela nan a cuminsa bende stoel den e vuelonan.
Esaki ta cay p’afo di tur e reglanan di etica di aviacion.
Minister Oduber a expresa cu e ta hay’e un situacion lamentabel cu 60% di e vuelonan tabata
bendi caba, pero cu esaki lo sirbi kisas como un bon les pa den futuro e no tuma luga mas. El a
subraya den un entrevista diaranson cu Aserca ta keda sinembargo un bon partner di Aruba, e ta
un di e aerolineanan cu ta cumpli bon tambe cu nos isla y Aruba tin un bon relacion cu nan, pero
na cierto momento e bienestar general di e comunidad di Aruba ta b ay dilanti y tin decisionnan
cu mester wordo tuma.

E mandatario a splica cu a evalua e situacion bon y hasta a papia di oranan alternativo, como cu e
“allotment” cu Aserca a pidi ta hopi yen caba. Tin un acuerdo bilateral cu diferente pais pa loke
ta trata aviacion. Den e acuerdo aki ta stipula entre otro reglanan cu condicionnan cu tin como
resultado cu vuelonan regular/vuelonan schedule ta dificil pa nenga.