Page 20 - KPA

AWEMainta Diamars, 13 Juni 2017 3

Candela a caba loke tabata conoci

como ex deposito di WIMCO

TABATA diadomingo anochi algo pasa di 10 or, a
bati alarma pa un candela grandi na Montana, Da-
kota, unda un deposito a sende na candela. Causa di
esaki ainda no ta conoci, pero ta ser investiga.
Tabata den oranan di madruga, pa mas o menos 3 or,
por bisa cu e candela tabata domina. E edificio aki ta
conoci como ex deposito di WIMCO of di ex Texas
y unda cu e candela tabata, tabatin hopi colchon,
unda tur a kima.
E candela tabata hopi grandi y for di un distancia por
a mira e lenganan di e candela.
A hasta solicita presencia di e Hoogwerker pa por
ataca e candela for di halto.

Polis, cu a presenta n’e sitio pa duna un man den
evacua habitantenan den e area, pa temor cu e huma
lo por haci nan daño. Bomberonan mester a rek hose
pa haya awa di e hydrantnan den becindario.
Durante dia, oficialnan di Cuerpo di Bombero a bay
inspecciona e sitio, unda a constata cu tur cos cu ta-
batin den e deposito, a kima. Bomberonan a combati
e candela, evita cu e lo expande, y e strategia a traha.

E sitio aki ta conoci, cu tin varios deposito di varios
comerciante. No ta conoci, cua deposito, di cua com-
erciante a kima exactamente. Origin di e candela, ta
ser investiga. Mester menciona, cu loke cu a kima, no
ta sirbi mas, y na su debido tempo, lo mester basha
abao, loke cu a kima.