Page 43 - KPA

Brandweer a logra controla candela grandi na Dakota y a
evita cu el a plama pa otro deposito

Monday, 12 June 2017 19:38
Comparti

Diadomingo anochi gai cora a canta na Dakota y canta pisa tambe pa loke ta considera e ex deposito di
Texas. Esaki ta den e area di Atco na Dakota.

Brandweer a traha duro pa asina por a paga un candela cu for di un distancia tabata wordo mira riba nos
isla.

Ferdinand Ponson a conta kico a sosode den oranan di anochi cu a capta atencion y cu nan mester a
traha duro.

10’or y 12 di anochi, Brandweer a haya melding cu tabata tin un deposito na candela. 5 minuut despues e
unidad a yega y a constata esaki. Manera cu a bay over na e strategia di percura pa e candela no crece y
bira mas grandi pa e expande pa bay na e otro luganan na banda, a traha. El a percura pa no bay na e otro
depositonan.

Banda p’abao di e deposito aki, tabata tin un otro deposito. E cayente a pasa door di muraya, a pone cu
banda paden di e deposito aki tabata tin algun pida chikito cu a pega candela. Tabata tin un unidad poni
eynan, di manera cu nan a bringa e candela eynan, pa asina no lage bira grandi pa tin dos deposito na
candela e momento ey. A percura pa no laga e candela expande na e otro luganan y bira grandi.

Atake di ariba

Brandweer a uza e hoogwerker, pasobra por spuit miho di ariba y por a mira miho unda e candela ta
bayendo pa por cort’e pa e no bay otro caminda. Di parti di e hydrantnan, tabata tin algun problema cu
tabata tin cerca, di manera cu ora cu a bay algun hydrant mas leu, pa asina tin awa constant pa bringa e
candela aki. Na cuminsamento tabata falta tiki awa, pero manera e unidad a yega for di e hydrant cu a
uza, no tabata tin mester mas di awa. A lora cu loke tabata tin y zorg pa combati esaki.

Kico tabata tin den e deposito
Normalmente depositonan ta warda diferente cos. Den esaki tabata tin hero, papel, tabata tin carton,
colchon cu por a wak parti paden, e springnan tey. Esey ta loke ta duna e candela e chens di crece masha
lihe mes y expande y bira asina grandi den tempo cortico.

Investigacion
E caso aki ta uno dificil, mirando e ta full cera. Ora cu brandweer a yega, ya e luga tabata na candela. E ta
haci cu e luga aki ta bira manera un forno. E luga, den oranan di marduga, tur loke ta parti di hero pafo
tabata asina cora, cu ta haci e deduccion mas dificil. Den dia, ya cu no tabata tin candela mas, ta haci’e
dificil pasobra e structura no ta stabil. No ta conseha e propio bombeeronan pa bay haci investigacion,