Page 102 - FDLP
P. 102
Tur Diasabra Muchanan Di Lifida U7 Ta Competi
Contra Otro
Deporte
- 20/11/2019
Tur diasabra na Compleho Frans Figaroa ta tuma lugar, e competencia di Lifida di U-7.
Tur fin di siman 4 diferente team ta hunga, unda cu di 8:30-9:30am ta hunga 2 team y
mag di hunga maximo 4 wega. Despues ta bay pa 2 otro team ta hunga contra otro di
9:30-10:30am.
E desaroyo di e muchanan ta bayendo bon awor, asina David Simon, coordinador di veld,
a expresa. E ta mira den e futbolistanan cu tin prospectonan hopi bon.
El a expresa di weita e mayornan tambe ta yega stadion y apoya nan yiu. Esey ta algo
hopi esencial, caminda e mayornan ta bin cu nan yiunan y apoya nan, tin ta bin cu tambor
of fluit.
E ta un satisfaccion hopi grandi pa mira e muchanan hunga. David Simon ta dirigi e
weganan p’asina mustra e muchanan kico nan por y kico nan no por. Asina aki nan por
siña mas mihor posibel.
