Page 46 - FDLP
P. 46
ORANJESTAD (AAN) – Tur diasabra na Compleho Frans Figaroa ta tuma luga e
competencia di Lifida di U-7.
Tur fin di siman 4 diferente team ta hunga, unda cu di 8:30-9:30am ta hunga 2 team y
mag di hunga maximo 4 wega. Despues ta bay pa 2 otro team ta hunga contra otro di
9:30-10:30am.
E desaroyo di e muchanan ta bayendo bon awo, asina David Simon, coordinador di
veld, a expresa. E ta mira den e futbolistanan cu tin prospectonan hopi bon.
El a expresa di weita e mayornan tambe ta yega stadion y apoya nan yiu. Esey ta algo
hopi esencial, caminda e mayornan ta bin cu nan yiunan y apoya nan, tin ta bin cu
tambor of fluit.
E ta un satisfaccion hopi grandi pa mira e muchanan hunga. David Simon ta dirigi e
weganan pa asina mustra e muchanan kico nan por y kico nan no por. Asina aki nan
por siña mas miho posibel.
Ta yama esaki un campeonato aunke cu e teamnan ta hunga riba veld. Actualmente e
vision of motibo di e weganan aki ta p’e muchanan yega mas na e bala. Nan por hunga
6 contra 6, 1 keeper mas 5 hungdo, y por bay di 1 keeper y 6 hungado.
E desaroyo di e muchanan den e edad aki ta cu e muchanan mester yega mas na e
bala. Hopi biaha e mucha ta bay hunga wega, pero e veld ta hopi grandi.
Ta facilita e muchanan a base di e veld, haciendo e veld chikito. E veld ta mas o menos
43 pa 30 meter p’e muchanan por hunga facil. Y cada bes ta traha 4 veld riba e veld
grandi.
https://www.diario.aw/2019/11/e-satisfaccion-ta-grandi-pa-mira-e-muchanan-hunga-futbol/
