Page 7 - FDLP

Diahuebs, 21 November 2019 AWEMainta 27

ASU Olimpiada 2019 tabata un exito p’e

atletanan di Gymnastics Aruba CGA Avanse

DURANTE tres diadomingo, e club di gimna-
sia Gymnastics Aruba CGA Avanse a tene su compe-

tencia enconexion cu e celebracion di e 62 edicion di

e ASU Olimpiada. E atletanan a presenta nan mes
deportivamente, mientras e mayornan tabata suma-

mente contento cu e resultado di e competencia.
E atletanan den tur edad a haci nan maximo esfuerzo

pa duna un bunita presentacion. Na final di cada com-

petencia, tur atleta cu a participa a ricibi un medaya
y un certificado di participacion. A premia prome, di

dos y tercer lugar pa esnan cu a sobresali riba e dia di
e evento den nan respectivo disciplina.

Gymnastics Aruba CGA Avanse kier a gradici Aruba
Sport Unie pa nan apoyo y presencia durante nan com-

petencia. Avanse ta contento di forma parti di ASU

Olimpiada y sigur nan lo continua cu e bunita inicia-
tiva aki den futuro.

Stichting Sportsubsidie Aruba ta contento di por apor-

ta y brinda e ayudo na Aruba Sport Unie conmemo-
rando nan di 62 aniversario di e ASU Olimpiada pa

tur nan federacionnan miembro.

Ciclistanan Anthony Wilson y Ruson

Gonzalez a competi den Caribbean

Cycling Championship na Havana, Cuba

RECIENTEMENTE e dos ciclistanan di Aruba, Anthony Wilson
y Ruson Gonzalez a competi den e evento di Caribe cu a tuma lugar

e prome siman di november. Riba e prome dia e ciclistanan mester a

core e careda contra holoshi unda nan a presta tog bon apesar di e core
den mei mei di un elenco elite. Pa su mañan, ambos ciclista a core e

careda di ruta unda Wilson lamentablemente no a caba e careda, mien-

tras Gonzalez a termina e careda na un di 49 lugar. Ambos ciclista a
wordo guia pa coach nacional Gabriel Diaz

Stichting Sportsubsidie Aruba ta contento di por aporta y brinda e ayu-
do na e federacion di ciclismo cu a percura pa nan ciclistanan Anthony

Wilson y Ruson Gonzalez competi den e Caribbean Cycling Champion-
ship na Havana, Cuba .