Page 39 - IVA

ta importante pa screen mas cu ta posibel y kier pa hendenan na estado bin mas lihe
posibel na un partera pa haci e screening.

Una bes cu worde determina cu e riesgo ta halto of sucu ta halto, ta bay
automaticamente na un ginecologo y e proceso di screening na ginecologo como tambe
duna tratamento na esey ta keda den man di ginecologo y e persona cu ta na estado ta
keda eynan tambe e ora. E por duna complicacion durante embaraso. E por duna
complicacion durante parti y mas importante ainda e por tin consecuencia pa e baby pa
resto di su bida.

Un baby cu nace riba ocho liber ta un riesgo caba. Quandt a sigui splica cu e simpel
hecho cu e mama ta diabetico por ehempel durante di embaraso, ta pone caba cu e
sistema di insulina, e sistema di deal cu insulina den e curpa, no ta completamente bon
regla. Tin cu tene cuenta cu dos cos. Un persona cu ta na estado, automaticamente
mester di mas caloria. Un persona cu ta na estado, automaticamente tin un funcion den
su sistema parti paden cu ta influencia e trahamento di insulina y ta afecta organonan
tambe.

A base di esey, e proceso tambe di ta na estado, ta hunga un rol cu e placenta, pasobra
e placenta ta esun cu ta absorba sucu tambe e ora y esey dado momento ta bay na e
baby. Pesey hopi biaha mester ta conciente cu tin cu wak tambe cu si un mama, cu tin
un BMI masha halto mes, riba 25 of 35, ya e riesgo ta halto, no solamente pa diabetico,
pero pa diferente problema cardiovascular tambe. Un dado momento ta bay screen
esey.

Pesey ta custuma ora cu un persona ta na estado cu na comienso ta check e sucu. Si
mira cu durante e control e barica ta mucho grandi prome cu e temporada, ta haci un
checkeo extra di sucu cu ta bay controla si e curpa di e mama mes ta absorba y ta
verwerk sucu den su sistema si of no. Si esaki ya caba ta halto, chens ta grandi cu e
mama ta bira diabetico y esey ta consecuencia cu ta bay na e baby tambe e ora.