Page 11 - DIARIO 21 AUGUSTUS 2021 COMPLETO.indd

DIASABRA 21 AUGUSTUS 2021 DIARIO PAGINA 11

Un idea pa nos

panaderonan pa dia

16 di October venidero,
Dia Mundial di Pan

Skirbi pa: Mercedes Monge

Un idea pa nos panaderonan pa dia 16 di October
venidero, Dia Mundial di Pan
Pa Mercedes Monge
Mi a sinta pensa riba algo interesante den cual tin tres
protagonista ta hunga un rol: 1. E pan. 2. E consumi-
dor. 3. E bon boluntad di e panaderonan pa nan clien-
tenan.
Ta asina aki cu dia 16 di October venidero (pues nos
por bisa cu aki un tiki
menos cu dos luna) ta Dia
Mundial di e Pan. Mi idea a
bin despues di a combersa
cu un dama cu ta traha den
un panaderia cu nos a papia
algun siman atras, tocante e
demanda cu tin di pan na
Aruba, y mi a reforza mi
pensamento despues cu mi
a combersa largamente cu
un gran amiga biba na un
pais Latino, y el a conta mi
cu den su pais e panaderonan cu pueblo, ta celebra e
Dia Mundial di Pan. Mi casi ta sigur cu na nos Isla
no sa rindi honor na e PAN riba su fecha interna-
cional.
Pues ami kier a encurasha e doñonan di panaderia
local pa haci mescos pa Dia 16 di October. Esaki ta,
bende nan pan, ohala tur tipo, pero si no por
alomenos e kipashi y pan largo (tipo baguette) na un
prijs special pa gradici tambe e consumidor pa su
sosten diario. Esaki kiermen pa honra e producto cu
ta trece "pan riba mesa di e panadero mes", y e con-
sumidor cu ta percura pa cumpra e alimento aki dia
aden, dia afo.
Pa e gran mayoria di consumidornan na Aruba e pan
no por falta riba nan mesa, no solamente pa
desayuno, pero pa come na trabao despues di merdia
cu un copi coffie, pa prepara un sandwich pa e
muchanan hiba scol, y den momentonan cu cos ta
bira preta y e alimentonan ta cuminza caba na cas,
alomenos PAN si mester tin banda di manteca dushi,
un pida keshi of otro beleg.
E panaderonan sa sigur, con importante e pan cu nan
ta traha y bende ta pa henter un pueblo, pa nan mes
ganashi (maske segun algun no ta haci ganashi,
locual mi ta duda un tiki) y pa Aruba su economia.
Masha poco hende no ta come pan, tin excepcionnan
cu no ta guste y otronan pa motibo di dieta of salud,
relativamente, pero incluso hopi diabetico mes, ta
sigui cumpra nan pan segun mi por a compronde!
Pues, mi kier duna e panaderonan un bunita idea, pa
dia 16 di October proximo. Pesey mi ta bin cu e tema
aki cu un tiki menos cu dos luna di anticipacion.
Alomenos por pense un rato, no ta berdad? Hasta
kizas nan lo bende mas pan cu nunca prome y e cel-
ebracion por yega di bira aki tambe, un tradicion!