Page 11 - AM201107
P. 11
Diasabra, 7 November 2020 AWEMainta 11
Payroll Pro HRM a organisa un workshop tocante
payroll y Human Resource na The Ritz-Carlton Aruba
SIMAN PASA den un sala di The Ritz-Carlton Aruba, e team di
Payroll Pro HRM a duna un presentacion di HR y Payroll pa al-
gun compania Arubiano. E invitadonan por a siña di e programa
mas uza na Aruba y Caribe, mientras disfrutando di un desayuno.
Den e presentacion a enfoca riba e digitalisacion di documento y
procesonan di payroll y human resource y con pa traha mas efi-
ciente cu Payroll Pro HRM. Tambe a enfoca riba e importancia
pa empleadonan confia e payslip cu nan ta ricibi, y asina confia
e doño di trabou.
Jane Wever-Vermaas di VCC International NV, e distribuidor di
Payroll Pro HRM ta comenta: “Awor mas cu nunca ta importante
pa empleadonan tin fe y confiansa den nan dunador di trabou.
Cu Loonsubsidie, arbeidstijdverkorting y tur otro cambio cu un
empleado ta enfrenta aworaki, ta importante pa tin un sistema
cu por atende tur e cambionan aki. Alabes cu nos programa un
paymaster of HR Manager ta haya semper backup di nos consul-
tantsnan si mester yuda splica un payslip cu e cambionan aki.
Asina empleadonan ta compronde mihor kico ta pasando, riba
kico nan tin derecho y tambe ta keda traha cu animo p’e compa-
nia”.
Teiry Croes di Gamma It Solutions, e desaroyador di Payroll Pro
ta comenta: “Nos ta gradici The Ritz-Carlton Aruba pa nan tre-
mendo servicio y atencion pa detaye y e dushi desayuno cu nos
bishitantenan a haya. E team di Gilliany Oduber y Susana de la
Oliva a laga nos sinti hopi verwend”.
Payroll Pro HRM, e programa di Payroll y HR mas uza na Aruba,
ta brinda companianan e oportunidad di tin tur data y documen-
tonan di empleadonan di payroll y HR den un solo programa,
pero ta duna aceso n’e datonan aki segun functiescheiding.
