Page 34 - ATA

pafo di caminda. Ta duna indicacion cu aeropuerto ta hopi druk, atendiendo un cantidad

grandi di pasahero cu sea ta bay Merca, pero otro destinacionnan tambe cu ta bin Aruba.

Diferente aerolinea, tur e gatenan ta ocupa y por a mira cu mescos cu un cantidad di

turista ta drenta y un cantidad ta bandona Aruba. Avionnan ta saliendo hopi hopi yen.

Esey ta motibo tambe cu siguridad di aeropuerto ta percura pa cos cana netjes. Nan tin

diferente post di control den funcion. Esey ta pone tambe cu ta pone dos fila pa e parti

Mericano, pero tambe dos fila pa otro destinacionnan cu no ta Merca. E ta bay basta
trankil, pero asina mes e filanan ta sali for di post di siguridad, te banda di caminda ta

check in. Filanan ta largo, den oranan di merdia y atardi ta asina, te ora cu e avion sali e

ta calma bek. Loke tambe tin cu tene cuenta cune, pa por check in tempran, tres ora

delanta pa asina evita cu bo ta core riesgo di perde vuelo cu na motibo cu despues di

check in bo ta keda pega inecesariamente den e filanan cu ta pasando imigracion y

siguridad. Den e parti di Merca bo tin cu pasa dos control, imigracion y siguridad di

Aruba, control pa drenta e area Mericano y imigracion Mericano. Ta importante pa haci

check in tempran y asina pasa tur e controlnan aki sin cu bo ta perde vuelo. Si bo bin tres

ora delanta manera cu wordo pidi, bo ta pasa e check in sin problema.

0

0

COMMENTS