Page 4 - AHATA

DIALUNA 27 OCTOBER 2025 DIARIO PAGINA 7
AHATA Excellence Awards 2025:

Total di 38 profesional local reconoci
pa contribucion inigualabel

ORANJESTAD
(AAN): E
prestigioso
evento di AHATA
Excellence
Awards, organiza
anualmente pa
Aruba Hotel
& Tourism
Association
(AHATA), a
culmina Diasabra
anochi. Mas di
250 invitado
a presencia un
anochi inolvidabel
den e ballroom
di The Ritz-
Carlton, Aruba,
unda a honra 38
profesional cu
nan dedicacion ta
eleva e standard
di excelencia di
nos isla.
E AHATA
Excellence
Awards ta simbolisa e gratitud di nos industria pa e servicio
inigualabel cu e profesionalnan aki ta trece. E ta un celebracion
pa e personanan cu ta contribui na e exito continuo di
Aruba como un destinacion turistico. Riba e gran anochi, e
honoradonan a ricibi un trofeo artistico, diseña specialmente
pa e talentoso artista local, Gilbert Senchi. E trofeo, den forma
di un cocolishi, ta representa e calor y durabilidad di nos
hospitalidad, y a worde presenta riba escenario pa Presidente
y CEO di AHATA, Señora Tisa LaSorte.
Den e proximo simannan, AHATA lo resalta cada honorado
a traves di su medionan social. Pa conoce e personanan
excepcional aki y worde inspira pa nan motivacion y pasion,
por sigui AHATA riba su Facebook of riba Instagram.
AHATA ta extende un danki profundo na tur e sponsornan y
partnernan cu a haci e anochi aki un gran exito. Un gradicimento
special ta bay na nos Patrocinador Principal, Elite Productions
& Entertainment. Nan ta gradici tambe nos partnernan
valioso. AHATA ta orguyoso di e trabao impresionante di e
honoradonan y ta expresa gratitud profundo pa nan esfuerzo
cu ta sigui defini kico ta excelencia den hospitalidad.