Page 55 - MIN ON JUNE 11,2015

PAGINA 34 DIARIO DIAHUEBS 11 JUNI 2015

Homber haya
na suela den
cura di cas a
dal slok di rom

ORANJESTAD(AAN)-- Na
Piedra Plat dialuna mainta
mas o menos un quarto pasa
di ocho, polis a bay na un cas
unda un homber a wordo haya
na suela den cura di cas. Nan
a papia cu e homber di inicial
O. cu a laga sa cu e cachonan
tabata blaf y el a sali pa tira
un bista rond di cas y a haya e
homber na suela.
Polis a bay cu e homber O pa
tira un bista den cua y nan a
topa cu e conoci di husticia
Clemente L.
Clemente a relata na polis
cu e tabata bay chines y no a
sinti su mes bo y a cay drumi
na suela. E tabata tin un saco
di plastic cu boterham y otro
articulonan y dos boter di
alcohol. un di Vodka y e otro
di rom.
Nan a sigui papia cu Clemente
cu a bin admiti di a bebe un
slok di e rom for di e boter.
A pidi ambulance pa presenta
pa atende Clemente cu tabata
tin un cap na su cabez y na
su pianan tambe tabata tin
heridanan cu no tabata bon
cuida.
Personal di Ambulance a
atende cu Clemente y despues
a hib'e cas.

Expo na
Emma
School

O R A N J E S TA D ( A A N ) :
Emmaschool ta celebrando
60 aña e aña escolar aki pesey
nos a dicidi di haci un expo pa
asina pone tur loke e alumno
nan ta traha den un aña escolar
den e expo.

E ta parti mainta pa asina
otro schoolnan por haci uzo di
e oportunidad pa nan pasa cu
nan klas/school wak e expo
Emmaschool. Cinco aña pasa
Emmaschool a celebra 55 aña
y nos a organiza un opendag
pa publico. E aña aki ta 60
aña y nos ta organiza un expo
Emmaschool.

E apertura lo ta Diadomingo
14 di Juni venidero, pa
6:00 pm na Atelier’s 89 den
Dominicanessenstraat.

Pueblo ta ser invita pa mira
e expo y asina Aruba henter
mira kico nos muchanan
special por!