Page 14 - AHATA

El a comenta cu si “cualkier persona a tuma nan tempo pa hincami durante noticia den Prime time na
television, ta pasobra mi mester ta duro, pasobra ningun hende lo bay gasta nan placa den Alan Howell pa
troce e berdad, pa tal motibo mi ta orguyoso di mi mes”. El a expresa enfaticamente cu “ni cuanto biaha nan
traha video riba mi y ponemi den prime time, mi ta keda para pa Pais Aruba”.

Parlamentario di POR a sigui bisa cu loke ta cla ta cu desperdicio di Aruba mester keda den man di Serlimar.
Si e ley aki tabata uno cu lo a pone perde trabou, e no lo a conta cu su sosten, pero den e caso aki ta un ley cu

hasta e minister a bin cu su notanan di cambio y cu a demostra cu no ta importante ken ta mas importante, sino
pa bin cu un ley cu tur hende por biba cune. Despues di 60 aña ta ora pa Serlimar por para riba su pianan pa
sigura pan di e famianan cu ta traha eynan.

Finalisando Howell a bisa cu si tin cualkier cos cu mester wordo cambia den e ley, por a mira cu Gobierno ta

dispuesto pa haci esaki, pero e enfoke mester keda Serlimar, pa por cuminsa cera Parkietenbos y habitantenan
cu a sufri pa tanto aña. “Tur 21 parlamentario mester duna e respet na e ciudadanonan aki y demostra cu nos ta
care pa nan salud y nan bienestar”.

https://arubanative.com/2019/10/15/alan-howell-enfoke-mester-keda-serlimar-cera-parkietenbos-y-
habitantenan-cu-a-sufri-pa-tanto-ana/