Page 35 - AHATA
P. 35
Cu nos hubentud den mente, Aruba Hotel & Tourism Association (AHATA) un biaha
mas a contribui na e sector di enseñansa. CEO di AHATA, Tisa LaSorte a splica cu e ta
hopi importante pa tin un bon educacion cu ta prepara nos hobennan pa drenta forsa
laboral den futuro y hiba nos isla p’adilanti. Turismo ta e pilar economico di nos
economia y AHATA ta mira e necesidad pa Aruba inverti den un bon nivel di enseñansa.
AHATA ta na altura cu tin diferente scol cu tin necesidad di material y a scoge pa e aña
aki yuda e proyecto na John Wesley College situa na San Nicolas. Awendia ta masha
importante den educacion pa uza video pa capta atencion di e studiantenan. E scol tabatin
necesidad pa television den klas pa e docentenan por proyecta video y duna les di un
manera mas actualisa.
Cu donacion di cinco television AHATA ta contribui na hisa nivel di educacion y na
desaroyo di e scol MAVO. Director Andriene Guillard a keda masha gradicido pa e
donacion aki. Cu e televisionnan nobo e docente por proyecta materialnan visual pa
henter e klas por mira. Di e forma aki ta yuda hisa entusiasmo di studiantenan y avansa e
progreso den nan estudio.
