Page 3 - ARUBA BANK

Djamars 19 Desèmber 2017 9
E ta para riba su
inosensia
Sentensia di

sospechoso

prinsipal kaso
“The Alley” lo

kai mañan

WILLEMSTAD. - Mañan
djárason e sospechoso
prinsipal Christefer
Martina (26) akusá di ta
esun responsabel pa dòbel
asesinato den kaso The
Alley, lo risibí su sentensia.
Ta trata di e kaso ku
a tuma lugá dia 3 pa 4 di
sèptèmber aña pasá, na e
diskoteka situá den Punda.
Ministerio Públiko ta
akusá Martina di ta esun
ku a lòs e tirunan fatal, di
kual e dos víktimanan Jurick
Hooi di 20 aña i e dama
Karoushaney Martina di 22
aña a pèrdè nan bida.
Martina su kaso a keda
tratá dia 8 di desèmber
último den korte di promé
instansia.
Su ko-akusadonan ya
kaba a keda sentensiá, di
kual dos a keda apsolvé
di tur kulpa. Riba esaki
Ministerio Públiko a apelá
nan sentensia.
Martina a keda demandá
na 24 aña di kastigu.
Durante tratamentu di
su kaso el a para riba di
no ta esun ku a tira den e
diskoteka.
Su abogado mr Blonk
a duna di konos’é, ku por
tabatin otro arma ku a keda
uzá for di e parti ariba di e
diskoteka, di kual e tirunan
fatal a sali i kousa morto di
e víktimanan.
E víktima Hooi a risibí
3 tiru di kual un di nan a
sali fo’i su kurpa i bai pega
den garganta di e dama ku
mesora a pèrdè su bida.
A laga pasa e
grabashonnan den sala di
kual hues mr Hubben a pasa
Sigui lesa pagina 40

aviso@extra.cw