Page 91 - KPA

Despues di a confronta diabierna ultimo cu un incidente caba cu riba su mes tabata

lamentabel, awe tardi mester constata cu otro noticia a drenta, aunke tabata carga

speransa na ultimo momento cu lo bay haya e hobencito aki sano y salbo.

Na mes momento tabata pensa un tiki, mirando e dianan, oranan cu tabata pasando, cu

por tabata tin un eventualidad cu e criatura lo resulta di no ta na bida y lamentablemente

esey tabata e caso.

Minister Andin Bikker ta wordo manteni altando di e desaroyonan pero no ta haya

detayenan di investigacion. Mainta, ora cu a comparti noticia en general cu prensa, el a

comparti loke e tabata sa. Den transcurso di media, el a wordo notifica di e resultadonan
final.

Pesey a bin un tiki confusion.

Bottomline ta cu pais Aruba, den su totalidad, a wordo confronta cu algo cu nos tin hopi

tempo sin experencia den historia di Aruba. No por corda algo asina aki, pero en todo
caso algo hopi lamentabel. Awe tardi pa 4’or, un ministerraad di urgencia a wordo yama

a peticion di Minister di Husticia. Gobierno di Aruba ta extende, atrabes di e minister di

Husticia, palabranan di sincero condolencia na famianan y tambe na nos pueblo di Aruba

cu a convivi full e fin di siman y tur e dianan aki, te cu ultimo momento awo cu a

constata cu e hobencito, lamentablemente no ta na bida. E cos aki a shock full e

comunidad y siguramente gradici tambe tur e instancianan, cuerpo policial, ministerio

publico, marina real, gobierno di Reino, cu a pone su mes nan maximo esfuerso

disponibel pa por a cuminsa cu e buskeda nacional, cu a hiba lamentablemente na e

hayasgo aki. Pero en todo caso, tin e paradero di e hobencito y awor, nos como pais, por

bay den e otro fase di ta purba na deal cu e dolor profundo cu esaki a causa nos

comunidad.