Page 99 - KPA

Durante e seminario a conta cu presencia di oradornan local y internacional, cu a elabora

riba con ta convivi cu gangnan aki na Aruba. Esaki tabata pa di dos biaha cu Cuerpo

Policial Aruba a organisa e seminario cu e topico di “gang”.

E oradornan na e seminario aki tabata personanan cu tin conocemento amplio manera

Rene Ridderstaat, kende a elabora diferente biaha riba e parti di problematica di gang.

John Larmonie di departamento di comunicacion di Cuerpo Policial tambe tabata orador

y a duna diferente lectura, tambe a conta cu Fred Moreno di Merca. Anualmente Cuerpo

Policial di Aruba ta organisa seminarionan di e partinan di desaroyo, asina Vanessa Tjon,

Comisario di Cuerpo Policial Aruba a remarca. E seminarionan duna no ta solamente riba

e parti di conocemento pero tambe di topiconan actual cu polisnan ta enfrenta

diariamente.

John Larmonie di departamento di comunicacion, informacion y prevencion di Cuerpo

Policial Aruba a expresa cu nan a organisa e seminario pa dialoga riba problema di gang

na Aruba. E topico aki no ta algo nobo y ta existi pa basta tempo. Pero den e ultimo

añanan el a desaroya bira mas negativo y a cuminsa bira mas peligroso. Cuerpo Policial

semper ta pro activo riba tur tereno y a bin cu e tema aki pa asina duna mas informacion

tanto na agentenan policial como invitadonan, manera KIA, empleadonan di
departamento social y diferente otro departamento cu tabata invita. Durante e seminario

aki, Aruba por a siña hopi mas for di e experto di Merca con nan ta trata cu e topico di

gang.

Minister di Husticia, mr. Andin Bikker a habri e seminario. Esaki tabata su oportunidad

pa adresa tur esunnan presente di Cuerpo Policial Aruba. El a indica cu e ta un persona cu

su portanan ta habri pa tur miembro di Cuerpo Policial Aruba. Tambe e tin e filosofia cu