Page 7 - AAA 03 MAY 2017

Rino Hermans: Percura pa tin un plan basico pa bo famia
durante e temporada di horcan

Tuesday, 02 May 2017 19:56
Comparti

Temporada di horcan ta ey mes, un tiki mas cu un luna falta y Departamento di calamidad, esta Rampenbureau, ta duna algun
tips pa un plan basico pa tanto famia como negoshi.
Rino Hermans, waarnemend hoofd di rampenbureau, a splica cu e informacion basico ta cu mester tin un plan pa bo famia, un
plan pa bo negoshi, pa minimo 72 ora di tin articulonan pa sostene, cu ta awa, cuminda den bleki cu no ta daña. Si bo sa cu bo
cas ta bay bao di awa, saco cu tera pa purba proteha mas tanto cu ta posibel prome cu dia 1 di Juni, cu toch no ta e piek pa e
temporada di horcan, cumins haci cas limpi. Si tin rama riba dak di cas, cortanan pa ora cu e biento duro bin, e no kraak e dak.
Tur loke cu ta los den artefacto, haci'e limpi y asina traha un plan, y splica bo hendenan. Si bo sa cu bo ta den un cas cu lo no
soporta bientonan fuerte, ni awasero torencial, haci compromiso cu un famia cu pa e momentonan ey, ta bay cerca dje pa
tambe por ta safe, den un cas cu por sostene e elementonan di un sistema tropical cu ta den e region.
Eseynan ta basico. Un plan pa bo famia, cuminda cu awa pa tres dia por lo menos, haci rond di cas limpi. Si tin artefactonan,
ramanan cu a crece bay riba dak, corta nan. Y si bo ta duda den bo cas lo soporta e elementonan, acerca un famia pa bo pasa e
ratonan dificil cerca nan y asina salba mas hopi bida cu ta posibel.
Training di tsunami
Nos ta un luna leu despues di e training grandi di tsunami. Segun Hermans, a evalua y sa precisamente kico no a cana bon,
segun e plannan prescribi pa tsunami. E oranan cu tabata tin cu entrega e situacion cu tabata tin durante e training, tambe a
coregi caba. E dienstnan ta bezig ta revisando nan team di crisis. Aki dos siman e team di crisis ta bin Rampenbureau pa bolbe
haya un refreshment di e basiscursus di rampenbestrijding, awor aki ta forsanan prome cu dia 1 di Juni. Asina cu haya un alerta
of un alarma, e dienstnan ta mas sigur di nan mes y kico ta nan rol pa haci durante e situacion.Tsunami a duna un bon les y
eseynan a wordo coregi caba den e ultimo luna cu a pasa. Awor aki, ta keda pa cada team traha paden y traha atrobe basa riba
e teamnan cu a wordo structura. Esunnan cu ta nobo, ta bin Rampenbureau aki dos siman pa nan haya e basiscursus di
rampenbestrijding y prome cu e temporada, ta up to date, y sa cua lenguahe nan lo papia durante e temporada di horcan
2017.

http://www.24ora.com/index.php?option=com_content&view=article&id=121376:rino-hermans-
percura-pa-tin-un-plan-basico-pa-bo-famia-durante-e-temporada-di-horcan&catid=1:local&Itemid=5