Page 21 - MIN VOS
P. 21
Pa varios aña e acomodacion di futbol na Noord tabatin problema pa loke t’e iluminacion na veld di futbol. Despues di 8 aña e compleho lo tin luz nobo,
mientras lo ahusta esakinan p’asina cumpli cu e normanan di e Federacion Mundial di Futbol, FIFA.
Contrario n’e iluminacion den pasado, e biaha aki lo tin 10 luz pa poste, mientras cu lo tin 4 poste enbez di 6 poste manera e tabata antes. Esaki ta haci cu
lo tin mucho mas lus pa ilumina e tereno di futbol.
Mester bisa cu a cuminsa traha riba e conceccion di cada luz individual unda ta conecta e wayanan di cada uno. Despues lo sigui traha riba e breakers y lo
finalisa cu pone e direccion corecto di cada luz individual pa ilumina e tereno di futbol.
Den e siguiente dianan lo finalisa e trabounan y por reanuda e weganan di futbol bek den e Stadion di Frans Figaroa na Noord. Esaki sin duda ta un
tremendo noticia p’e fanaticada di futbol en general muy particular e pueblo di Noord y becindario unda futbol ta masha popular cu varios organisacion di
futbol.
Ekiponan manera S Bubali y SV Nacional ta gosa di un fanaticada grandi cu den pasado semper a yena e Stadion di Frans Figaroa sigur ora e dos ekiponan
aki enfrenta otro.
No mester lubida cu awor mas division di futbol cu ta cay bou AVB por haci uso di e Stadion di Frans Figaroa.
St. Fundacion Facilidadnan Deportivo hunto cu St. Fundacion Lotto pa Deporte, bou vision di nos Ministro di Deporte dr. Alex Schwengle ta masha
contento cu henter e desaroyo rond di Centro Deportivo Frans Figaroa na Noord.
Na comienso di aña a inicia cu e trabounan n’e acomodacion deportivo cu e renobacion di e dak, e scoreboard, e omheining y awor e postenan di lus.
Tur e trabounan a keda ehecuta den 8 luna di tempo. Mantencion & coriente ta costoso, ta pesey banda di ayudo di Lotto & subsidio di Ministro di Deporte
mester cobra un cierto huur rasonabel no comercial na organisashon pa yuda den cubri gastonan aki.
