Page 45 - extra

Djabièrnè 12 Febrüari 2016 45

SMOC TA LAMENTA
KU TA PONE
VEREDIKTO DI

KORTE UN BANDA

WILLEMSTAD.- E siman
aki fundashon SMOC
(Schoon Milieu Op Curaçao)
a emití un memorandum den
kual e ta dediká atenshon na
e problemátiko di polushon
riba Kòrsou i verediktonan
ku a kai den esaki. Den su
memo dirigí na e Komishon
di Relashonnan den Reino
den 2de Kamer SMOC ta
bisa den su introdukshon
ku, gobièrnu di Kòrsou
pa algun dékada kaba ta
na altura di e polushon
peligroso ku tin den aire i
di e konsekuenshanan ku
esaki tin pa salú di hende
den e aria di Schottegat.
Durante tur e tempu ei
tambe korte a mustr’é riba e
fayonan ku el a kometé, su
negligensia pero tampoko
ku el a tuma ningun tipo di
medida preventivo.

T’asina ku Korte Komun
di Hustisia di Antia i Aruba
na aña 2010, despues di a
tene kuenta ku interesnan,
a stipulá e grado te na unda
por permití (80 ug/m3), i no
a usa normanan di akuerdo
ku e Organisashon Mundial
di Salú (WHO), i esaki ta 20
ug/m3. No ta den disputa
mes e grado di SO2 ku a ser
midi na 2015 i ku a marka
225 ug/m3.

Segun e memo di
SMOC, den un veredikto
preliminar di 30 di òktober
2007 korte a konsiderá ku
e grado di 80 ug/m3 di SO2
a ser surpasá den e añanan
anterior sistemátikamente
i pone salú di hende na
peliger, i ku e parti di Isla
tabata hopi supstansial, di
tal manera ku solamente
esaki tabata surpasá e
límite. Si solamente tuma e
parti di Isla den e totalidat
aki unda e límite di 80 ug/
m3 tabata ser surpasá i
teniendo kuenta ku e daño
hasi na salú di hende, por
konsiderá ku e kompania a
aktua di un forma ilegal pa
ku habitantenan di nos isla.

Segun SMOC den e
mesun veredikto aki i
teniendo kuenta atrobe ku
tur interes, korte a konkluí
ku e interes di habitantenan
ta pisa muchu mas tantu ku
e interesnan ekonómiko.

Mas aleu korte teniendo
kuenta ku e violashon di e
80 ug/m3 komo promedio
anual di parti di Isla pa loke
ta e konsentrashon di SO2
den aire, a disidí di imponé

Sigui lesa pagina 46