Page 21 - AVP

Manera ta conoci Parlamentario Benny Sevinger di AVP ta un sospechoso den e caso Avestruz. E ta keda
sospecha di 5 punto y Tromp-Lee ta cita manera esakinan a keda poni den e Beschikking Huiszoeking: –

Valsheid in geschrifte,- Oplichting, -Aannemen van steekpenningen (al dan niet handelend in strijd met zijn
plicht), – Misbruik van functie y – Opzettelijk/Gewoonte witwassen.

Ta conoci cu no ta existi un ley cu ta prohibi cu un parlamentario por keda den funcion si e ta bira sospechoso
den un caso cu ta bou investigacion, pero mirando e gravedad di e acusacionnan ta bon pa Parlamento tuma un
postura den e caso aki. Segun Tromp-Lee como representante di pueblo semper mester percura pa na tur

momento manda e señal cu Aruba no kier ningun tipo di scandal y corupcion mas. P’esey mes Tromp-Lee ta di
opinion cu ta na su lugar cu investigacion ta keda haci pa por trece luz den tur e speculacion y acusacionnan cu
pueblo a bin ta tende pa basta tempo. Si resulta cu esakinan ta basa riba realidad, esnan responsabel mester

carga nan responsabilidad.

Esaki ta di dos investigacion grandi encuanto corupcion cu ta tuma lugar caminda un miembro di Gabinete

Mike Eman ta envolvi. Ya ex minister di AVP señor Paul Croes a keda condena y awor su caso ta den
apelacion. Awor ta Parlamentario Benny Sevinger tambe ex minister di Gabinete Mike Eman ta sospechoso y
ta keda investiga.

Mirando e situacion aki nos Fraccion di MEP ta di opinion cu en espera di e resultado di e investigacion y
tanten cu un parlamentario ta un sospechoso, e no por representa Parlamento di Aruba den exterior. Esaki a

keda presenta den comision central di Parlamento y a keda dicidi cu Benny Sevinger no por bay Parlatino pa
representa Aruba den e siman cu ta bin.

https://arubanative.com/2019/11/03/parlamentario-drs-shailiny-tromp-lee-mep-parlamento-ta-
demostra-responsabilidad-na-momento-cu-a-dicidi-cu-benny-sevinger-no-por-bay-representa-
parlamento-di-aruba-den-exterior/