Page 78 - AVP

ORANJESTAD(AAN)–Mescos cu un logro grandi di un Arubiano den exterior ta contribui
na bon propaganda pa Aruba, mescos noticia riba accionnan criminal y condena dor di
Hues ta destrui e imagen di integridad y honestidad di Aruba.

Ta increibel con por a camufla entrada di un muhe cu un record penal oficial na Hulanda
den mundo politico di mas halto na Aruba.

E realidad di loke a pasa Aruba ta bira mas incomprendibel si tuma nota cu ta for di

prome cu cambio di siglo 20 pa siglo 21, e muhe aki ta atende cu husticia Hulandes y
riba su nomber mas condena banda di e sentencia nobo di Hues di Amsterdam pa
motibo di ladronicia di 1 Miyon Euro di un Hospital.

Den Corte a bini dilanti cu e no ta un desconoci pa mundo di Husticia na Hulanda, debi
na su pasado criminal cu ta haci su persona parti di mundo criminal di Hulanda, manera
den Corte pero tambe publicacionnan ta wordo presenta.

Nomber di Aruba ta wordo scucha y lesa na tur medio di comunicacion na Hulanda den
e scandal rond di e Hospital Slotervaart cu un amigo di Aysel a cumpra y cu Aysel a
maneha.

El a saca sumanan grandi di e hospital pa manda pa su pais di nacemento Turquia. Ta
papia di Un Miyon cu a base di documentonan falso a wordo saca for di e hospital na
Hulanda y manda pa Turquia, caminda no solamente un hospital pero tambe un
proyecto di vivienda turistico, a beneficia.

Otro 200 Mil Euro a bay pa un compania di Aysel na Rotterdam, loke ta haci cu e suma
cu el a horta di e hospital tabata 1.2 Miyon.

For di 2008 Husticia ta atendiendo cu Aysel Erbukal, cu a bira compañero di bida di e
Arubiano Richard Visser, cu a drenta politica na Aruba y a bira Ministro di Salud den e
prome gabinete di Mike Eman.

Na 2013, el a splica cu e no kier a keda Aruba pasobra e tin posibilidad nobo den
exterior y a bay biba na Hulanda, caminda el a bira e “esposo” di Aysel, cu ya tabata
den problema serio cu husticia.