Page 7 - AVB
P. 7
Asina RCA a habri 2da buelta cu dos victoria, derotando Caiquetio siman pasa 3-1 y e
siman aki JTL. Diabierna proximo pa 8or di anochi RCA “BIG WHEEL LOTTERY
powered by POWERADE” lo topa cu Britannia den un tremendo clash di calidad. Mester
remarca cu den promer buelta Britannia a derota RCA 1-0 despues di 4 aña cu E
Pumanan di Piedra Plat no por a gana e Soldatnan Tricolor di Solito. E siman completo
tawata uno perfecto pe organisashon Tricolor, ya cu dialuna siman pasa den U17 RCA
INTERPRINT a derota Riverplate 3-1 na Madiki, manteniendo invicto y promer puesto
di e tabla.
Diaranson U20 RCA WELCOME BACK SNACK a derota Estrella 1-0 y ta move pa 2do
puesto ribe standing Junioren. Diabierna ultimo Dames Tricolor RCA NEUTROGENA a
gana Estrella 3-0 y tambe ta mantene #1 di nan tabla di posishon. Mester remarka cu U15
RCA WENDYS tambe ta domina su categoria. Fanaticada Tricolor ta invita diabierna
awo den CDGPT pa bin apoya RCA vs Britannia, un partido importante cu Soldatnan di
Solito mester gana pa por sigi avansa ribe tabla divishon di honor.
