Page 26 - MIN ON

32 AWEMainta Diahuebs, 2 Maart 2017

Kyra Hoevertsz a inicia su

competencianan cu su College

Lindenwood University na Merca

RECIENTEMENTE na St. Louis, Missouri e conocido
atleta Arubano Kyra Hoevertsz a cuminsa cu su competen-
cianan di landamento sincronisa, hunto cu su ekipo di Lindenwood
University.
Kyra desde augustus 2016 a join Lindenwood na unda a cuminsa su
prome aña di estudio como “freshman”. Desde e tempo ey a incorpora
den e ekipo di Lindenwood cu tin como head-coach Lori Eaton y as-
sitant coaches, Mikayla Francees y Irene Montruccio. Lori Eaton ya
tin añas ta yuda coach e ekipo di Aruba cu hopi bon resultadonan,
e. o. ultimo e medaya di Brons na CAC, Veracruz.

E prome competencia cu Kyra a particpa na dj’e tabata final di januari
contra Illi-Synchro, na unda Kyra a logra sali den Figures division “B”
na prome luga cu 65. 5238. Den Duet hunto cu su pareha Vasilisa
Mironovo nan a termina na e prome luga cu un puntuahe di 84.3333.
E siguiente competencia tabata na Gainesville Florida na unda Kyra
a competi den Figuranan division “B” y a termina na prome luga cu
un puntuahe di 72.4108. Den evento di Trio a termina na di dos
luga hunto cu Maria Laura Villasana y Daniela Garmendia cu un
puntuahe di 74.6000. Den e evento di ekipo a termina na di prome
luga cu 78.5333 punto.

E weekend cu a pasa a competi na Stanford University na California
contra Stanford University y tambe Ohio State University. E dos
ekipo aki ta un competencia basta fuerte y ta wordo considera como
e dos mihonan den Synchro na USA. Apesar di esey Lindenwood
University hunto cu Kyra a haxi un tremendo trabou. Den e parti
di figuras, Kyra a termina na e di dos luga cu un total di 71.8334
punto. Tambe a competi den Trio a termina na di 4-er luga. Cu e
ekipo a termina na e di tres luga.

E siguiente competencia ta bay ta na principio di Maart na Columbia
Ohio, na unda lo participa na e “North Collegiate Regionals”. Akinan
e ekipo lo mester kwalifica pa asina por particpa na e “USA Colle-
giate Championships” cu lo tuma luga di 22 pa 25 di maart 2017.

Pa wak mas potret y pa sigui mas informacion tocante Landamento
Sincronisa por subi rib’e pagina di Facebook di Barracudas Aruba y
ariba Instagram synchro_aruba.