Page 14 - Min Vos, 24 April 2015

20 AWEMainta Diabierna, 24 April 2015

Taekwondo a gana 3 oro y 1 plata na Puerto Rico

DIALUNA anochi, Presidente di Aruba Taekwondo Bond, Gua-

icaipuro Jimenez, a bay ricibi cu un bouquet di flor, nos atletanan
di seleccion Cadet y Junior cu a bay representa Aruba den Open
di Puerto Rico, organisa pa Los Brujos del Taekwondo fo’i dia 17
pa 19 di april 2015, na ciudad di Guayama, Puerto Rico.
E delegación di Aruba tabata conforma pa coach, prof. Teófilo
Rodríguez, dos atleta femenino Cadet: Sophia Petrocchi y Chiara
Petrocchi, y un atleta Junior Giangelo “Angelo” Rodríguez.

E Open di Puerto Rico a conta cu atletanan di area di Caribe y Sur
América manera: Republica Dominicana, USA, Virgins Islands,
Mexico, Venezuela, y Puerto Rico.
E competecia a tuma lugar den Coliseo Dr. Roque Nido Stella na
Ciudad de Guayama.

E atleta Sophia Petrocchi a bringa e prome pelea contra USA, unda
Sophia Petrochi a gana cu e score di 12 – 6. E di 2 pelea Sophia a
bringa cu Puerto Rico unda cu el a gana cu e score di 24 – 3. Esaki
tabata suficiente pa bin Aruba cu Medaya di Oro.
E di dos representate di Aruba, Chiara Petrocchi, a bringa e prome
pelea contra Puerto Rico y a gana cu score di 16 – 2. E di dos
pelea el a bolbe bringa contra Puerto Rico unda el a gana cu e
score di 10 – 6.
E di 3 biaha tabata e pelea di decisivo unda cu Chiara Petrocchi a
perde contra Republica Dominicana cu e score di 0 – 3. Chiara a
bin cu 1 Medaya y 1 Medaya di Plata.

E atleta Junior, Angelo Rodriquez a bringa contra Republica
Dominicana unda cu Angelo a gana cu e score di 14 - 1. E di dos
pelea, Angelo a bringa contra Puerto Rico cu el a gana cu e score di
13 – 4 . Angelo Rodriquez tambe a bin Aruba cu 1 Medaya di Oro.
Tambe e entrenador di seleccion, prof. Teofilo Rodriquez a wordo
reconoci dor di Alcalde Eduardo E. Cintrón Suarez di Guayama,
Puerto Rico, pa su trabou constante den deporte di Taekwondo.

Aruba Taekwondo Bond ta felicita nos atletanan di Aruba cu a
participa den Open di Puerto Rico.
ARTBO ta yama danki na Comision di Subsidio y Lotto Pa Deporte
p’e soporte financiero p’e delegacion durante e campeonato aki.
Nos ta hopi contento y satisfecho cu e resultado cu Aruba a bin
cune. Masha pabien y sigi cu e bon trabao cu cada un di boso ta
haciendo.