Page 54 - Min Vos, 24 April 2015
P. 54
AWEMainta Diabierna, 24 April 2015 7
Minister Paul Croes
Mas cu 25
COREDOR den
Boulevard Loop
pa Autismo
MINISTER Paul Croes hunto cu Fundacion Autismo lo
organisa un grupo di 25 coredor pa crea consientisacion
riba autismo durante e Boulevard Loop Dia di Rey 27 di
april benidero.
E caminata aki ta wordo organisa anualmente riba e fecha
aki y lo hiba un distancia di 10KM. Minister Paul Croes a
anuncia di lo dedica e careda na tur mayor di muchanan cu
Autismo na Aruba y cada autista riba nos pais y sigui crea
consientisacion cu e condicion aki ta algo cu nos sociedad
mester cuminsa reconoce como parti di nos sociedad.
“Personan autista y muchanan cu autismo ta diferente pero
no menos. Luna di april ta dedica n’e condicion aki y nos
kier pone mas lus riba autismo”, Minister di Asunto Social
a mustra. 25 Otro coredor tambe lo core hunto cu Minister
Paul Croes p’e bon causa aki.
Fundacion Autismo tambe lo tey durante e careda aki cu lo
sali 5or di atardi na Malmok direccion di APA.
