Page 41 - Minister Alex Schwengle

AWEMainta Diasabra, 30 Januari 2016 29

Alejandra Kransen y
Ronald Staring ta e
ganadonan di Betico
Memorial 10K Run 2016

E CAREDA popular di ‘6K Fun Walk & Run y 10K Betico Memorial Run’ a

surpasa tur espectativa un biaha mas, y e aña aki a conta cu un participacion
di 600 coredo y canado. For di un siman prome cu e careda mester tuma luga,
esaki tabata “sold out”.
Riba Dia di Betico, dialuna 25 di januari, e participantenan a cuminsa yega for
di oranan trempan, pa registra y cuminsa prepara pa salida di e careda.
Pa exactamente 6’or di mainta Minister dr. Alex Schwengle a duna e señal p’e
careda cuminsa.

Pa e 10K Betico Memorial Run a inscribi y participa 200 coredo, mientras cu pa
e 6K Fun Walk & Run, den cual por a core of cana a inscribi y participa un total
di 400 persona.
E premionan principal tabata p’e careda di 10K, unda cu e prome 3 luga den
cada categoria di edad den masculino y femenino a ricibi nan trofeo. E “Overall
winners” di Betico Memorial 10K Run 2016 a resulta den cabayeros Ronald
Staring y den damas tabata Alejandra Kransen.
Ambos a ricibi tambe nan trofeo como ganado absoluto di e careda.

Instituto Biba Saludabel y Activo (IBiSA) ta felicita e ganadonan, como tambe
tur persona cu a participa y engrandece e popular careda di Dia di Betico.
Gradicimento ta bay na tur boluntario, Cuerpo Policial, Cuerpo di Bombero y
Rode Kruis cu a yuda riba dia di careda.

Ta keda awo pa tur atleta sigui prepara y mantene e curpa den movecion y
condicion pa e proximo careda di IBiSA cu ta tuma luga dia 20 di maart 2016,
cu ta bira e ‘Aruba International Half Marathon 2016’.