Page 8 - GARAGE CORDIA
P. 8
Garage Cordia a entrega 3 Toyota RAV4 Hybrid
na Polis
May 30, 2018
ORANJESTAD, Aruba: Garage Cordia a entrega 3 auto nobo, marca Toyota modelo RAV4 Hybrid na Aruba
Hospitality & Security Foundation cu na su turno a pasa e autonan pa Cuerpo Policial Aruba. Esaki ta e di 2
“batch” di auto di Polis cu a cumpra for di Garage Cordia, agencia di autonan marca Toyota na Aruba. E
autonan di Polis lo ta destina pa patruya banda di hotelnan. No solamente e RAV4 Hybrid ta fantastico den
consumo di gasolin, pero te perfecto pa mobilisa lihe den un esfuerso pa preveni crimen.
E bentaha cu Cuerpo Policial Aruba lo tin aworaki cu e Hybrid ta den consumo di gasolin, pasobra esaki lo ta
hopi menos compara cu e autonan tradicional. E consumo lo ta abou riba combustibel, riba service di auto y
esaki ta baha gastonan pa cualkier instancia cu kier adkiri un Toyota Hybrid.
E Toyota RAV4 conoci pa un body cu un style masha bunita. E body style ta bin cu caracterisanan di siguridad
entre otro airbags, sistema di brake ABS y vehicle stability control. E auto ta completamente ekipa cu luznan
cu Garage Cordia a instala riba nan. E luznan aki ta special traha pa Polis y tur esaki ta haci’e mas visibel riba
caminda. Ta spera di mira mas di e autonan hybrid riba caminda.
