Page 2 - AVB

Diabierna 15 April 2016 Pagina 27

Sv Britannia Gatorade / Total Finance ta gana

Bubali 2-0

Diarazon anochi den Stadion
Guillermo P. Trinidad
tabata tin continuacion
di campeonato regular di
AVB ora cu e pumanan di
Piedra Plat esta Sv Britannia
Total Finance a topa cu e
orguyonan di Noord esta
Bubali. E wega tabata di
suma importancia pa Bubali
door cu Bubali mester di un
victoria pa acumula punto
pa por drenta como e di 4
clasificado den e playoff.
Tanto Britannia Bright
Bakery, RCA y Dakota ta
clasifica caba y tur tres team
ta preparando nan mes pa
playof final. Den e oncena di
Bubali nos por a wak algun
cara nobo especialmente
den e parti ofensivo y di e
forma aki Bubali kier forsa
drenta play despues cu
Bubali no tabata tin un bon
prome rond pero den di
dos rond a bin por la goma.
Dene oncena di Britannia
Sports4all nos a haya falta
di dos hungador estelar cu
ta Renier Paraez y Johnatan
Ruiz, mientras cu nos a
wak siman pasa e regreso
di Marvin Hous y e siman
aki nos a wak e regreso di
Luis "Coco" Estrada. E 11
hungadornan cu a cuminsa
wega pa Britannia Gatorade
/ Vitamalt ta; Kendrick
Dania, Luis Murillo, Pierre
Estiverne, Theric Ruiz, Carl
Geerman, Danni Mozo,
Luis Estrada, Margin Kock,
Carlos Caro, Seba Montoya
y John Lugay. Como reserve
tabata; Lionel Kaarsbaan,
Rodymar Paesch, Jean
Claude Farro, Jean Marc
Farro, Pheadric Baromeo
y Marvin Hous. E wega ta
bin caba cu score di 2-0
pa Britannia cual golnan a
wordo anota pa Sebastian
Montoya na di 44 minut di
e prome tempo y pa Marvin
Hous na di 90 minuut di
dos tempo. Cambionan pa
Britannia Frisian Flag tabata;
Marvin Hous na lugar di
Carlos Caro, Rodymar
Paesch pa John Lugay, Jean
Marc Farro pa Carl Geerman
y Jean Marc Farro na lugar di
Danni Mozo. Cu e vitoria aki
Sv Britannia Gotarade / Total
Finace ta alcansa 43 punto
faltando 2 wega pa finalisa
e di dos roun, cual weganan
ta contra di Dakota y RCA.
Un pabien na e pumanan di
Piedra Plat cu otro 3 punto.