Page 26 - MIN ECEM

AINDA NO A HAYA CONFIRMACION

FOR DI TRINIDAD CU TABATA TIN UN

OILSPIL

17 October, 2017, 9:04 pm
0
14

Share on Facebook

Tweet on Twitter

Por a tuma nota di un advertencia of señal cu lo tin un derame atrobe na Trinidad.

Mirando cu Aruba a wordo afecta pa e situacion aki pa algun siman largo. A papia cu
Rino Hermans di Rampenbureau, kende a splica cu den fin di siman por a tuma nota riba

social media di e derame na Trinidad cu a wordo publica. Dialuna mainta, Rampenbureau

a tuma contacto cu e instancia oficial den Caribe, cu si tin un derame, bo tin cu raporta

cerca nan. Rampattack na e momento ey ainda no a haya confirmacion di Trinidad, cu

nan tabata tin un derame. Ainda ta tras di e informacion si e derame a tuma luga, si el a

keda local, of el a subi lama grandi y si e subi lama grandi, e por bay afecta Aruba.Te cu

awe mainta 10’or, ora cu tabata tin e reunion un biaha mas telefonicamente cu

Rampattack, Trinidad no a duna un update di e situacion eynan. Pero esey no a sorprende

nan pasobra na April tambe, tabata tin un derame y nos a bira victima dia 28 di Mei. Te

na e momento cu a haya tarballs na costanan di Aruba, ainda Trinidad no a raporta cu nan

tabata tin un oilspil. Awe tardi lo a purba di tuma contacto cu e Refineria di Trinidad,
kico nan por confirma. Pa Nos e ta importante cu si nan a contene na Trinidad, of el a

subi altamar. Si el a subi altamar, nos tin un espacio di 3 siman pa por prepara y den ki

forma lo e afecta nos costanan. Den e situacion eynan nos ta. Awor aki tin cu haya sa di e

derame y loke ta yama Ter3, e lo bay afecta tercer paisnan, segun Hermans.