Page 8 - AM210301
P. 8
8 AWEMainta Dialuna, 1 Maart 2021
Borchi grandi a cay riba empleada di Pastechi House
DIASABRA merdia, panico a reina bou esnan cu ta-
bata canando den Caya Betico Croes, momento cu un
borchi hopi grandi a cay riba un dama.
Polis cu tabata cerca a yega mesora pa mira kico a
pasa. Den prome instante a pensa cu e establecimiento
di Pastechi House lo a basha aden, pero esey no tabata
e caso.
Un empleada di dicho establecimiento lo a sali pafo pa
yuda cliente y pa su mala suerte net e borchi a ranca
di e muraya y cay riba dje. Mesora algun homber a
drenta den accion pa lanta e borchi gigante y pisa.
N’e sitio por a compronde cu algo a zona prome y despu-
es e poster gigante riba plywood a bin abou.
Suerte di e señora ta cu e no a cay riba su cabes.
Mientrastanto ambulance y bomberonan tabata
drentando Caya G.F.Betico Croes for di pabou, pero
bomberonan ya no mester a drenta den accion.
Paramediconan si a bay trata cu e dama y tabata haci’e
algun pregunta unda cu despues nan a yude lanta y
pone riba brancard pa despues subi ambulance.
DTI y Slachtofferhulp a wordo poni na altura unda cu
DTI mester a bay den caya y Slachtofferhulp Hospital.
Mester remarca cu den caya grandi tin hopi negoshi cu
a sera y tin sorto di borchi aki cu a keda pega y debi na
falta di mantencion por kibra y cay cualkier momento.
