Page 11 - ARUBA BANK

4 Djabièrnè 29 Desèmber 2017
Abogado Braam a haña rason
Hues a rechasá e petishon di DMO i SKO pa para aktividatnan di PAC

WILLEMSTAD.- Ayera hues Veling di korte sivil, a rechasá e petishon di DMO (Downtown Management Organisation) i SKO
(Sosiedat di Komersiantenan
di Otrabanda) pa para
e aktividatnan ku PAC
(Parking Authority Curaçao)
ta ehersé den Punda, dor
di kobra pa parker i tambe
klèm wilnan di outo si doño
di e vehíkulo no kumpli ku
e pago, pa para den un di e
vaknan den sentro di siudat,
tantu den Otrabanda komo
Punda.
Segun representantenan
di DMO i SKO abogadonan
de Vries i Blom, ku e maneho
ku PAC ta hibando ta ilegal
i ku nan no tin un título
ni base legal di lei pa hasi
esaki.
Segun DMO i SKO e
aktividatnan di PAC ta
afektando e komersiantenan
den Punda i ta stroba ku
personanan ta bin sentro di
siudat, dor ku nan tin miedu
entre otro pa nan vehíkulo
no keda di klèm si nan tarda
pa pone sèn.
Abogado di PAC mr
Braam, a bisa ku for di 2010
su kliente tin e maneho aki
ku nan a haña di e gobièrnu
di e tempu ei. Segun
abogado Braam for di e dia
ei no a bin niun desaroyo
nobo den e maneho ku
aworakí na 2017 mester
tuma medida urgente kontra
su kliente.
Hues ayera den su
veredikto a duna di konosé
ku e no ta mira e motibu pa
tuma medida urgente den
e maneho di PAC aworakí,
pa motibu ku DMO i SKO a
sinta ketu laga tur e añanan
aki pasa sin trese esaki
dilanti.
Segun hues ta durante e
aña aki kombersashonnan
a tuma lugá ku minister i
ku ta na novèmber último
a hasi petishon pa e huisio
sumario. Hues a bisa mas
aleu ku DMO mester a
pone su mes bon na altura
for di 2010, e manera ku
e maneho di parkermentu
a haña su forma. Tambe
hues a duna di konosé ku a
sali na kla ku DMO tabata
involukrá den e regla nobo

Sigui lesa pagina 41