Page 11 - AAA 20 JAN 2016

6 Djarason 20 Yanüari 2016

NAPB KE BAI PARLAMENTU KU WARDAKOSTA
WILLEMSTAD.- NAPB ke bai sala di parlamentu ku e situashon aktual di trahadónan di wardakosta, pa ku nan armamentu i
deklarashon di minister di
hustisia Nelson Navarro
riba “appel Putri”.

Presidente di NAPB,
sr. Ronaldo Abrahams a
bisa EXTRA ku despues
di a reuní ku trahadónan
di wardakosta, nan a pidi
oudiensia pa bai Komishon
Sentral di parlamentu ku e
“kaso” di wardakosta.

P’esei for di ayera
mainta el a manda karta na
parlamentu ku petishon di
e reunion, i ya el a tende
kaba di dos parlamentario
ku nan a haña e petishon i
lo bai traha riba dje.

“Nos ke bai parlamentu
pasombra nos tambe tin
denunsia di hasi di kosnan
robes ku ta tumando lugá na
wardakosta.

Pues no ta yunan di
Kòrsou so ta hasi kos straño,
otronan tambe, i minister ta
bon na altura di eseinan”,
Abrahams a bisa.

Ayera tardi trahadónan
wardakosta a bai serka
nan sindikato NAPB. Señor
Abrahams a bisa ku a
palabrá ku e trahadónan ta
bai traha numa pa kontrolá
kosta.

Pero nan ta bai
parlamentu ku e situashon.

Djabièrnè último minister
di hustisia Nelson Navarro
a partisipá na e sindikato
ku el a para e proseso di
armamentu pa trahadónan
di wardakosta. El a tuma e
desishon aki debí ku ainda
investigashon ta kanando
den kaso “Bay Watch”.
E kaso “Bay Watch” ta
unu ku a tuma lugá na
kuminsamentu di desèmber
aña pasa unda sigur tres
personal di wardakosta a kai
sera pa nan envolvimentu
den baho mundu.

Minister den transkurso
di siman pasa a indiká ku
e no por bai armá hende ku
posibel ta den investigashon
òf apel putri. Tin di limpia
e “maandje” promé ku
kuminsá armá trahadónan
di wardakosta.

Siman pasa djaluna
trahadónan a drenta
akshon, pasombra minister
no a kumpli ku palabrashon
ku na kuminsamentu
di e luna aki e lo armá
trahadónan di wardakosta.
Esaki ta un desishon ku
Konseho di Minister a
aprobá i kual desishon
minister a anunsiá.
Sinembargo, manera ariba
menshoná, minister ta
warda investigashon “Bay
Watch” terminá.