Page 3 - Patrick Paskel

A4
EDITORIALDialuna 2 November 2015
Plasterk ta bin pa decision final
Presupuesto 2016 mester keda cla,
si por cu aprobacion Hulandes
Manera nos a anuncia algun dia pasa
caba, un conflicto nobo entre gobierno di
Aruba y di Hulanda ta lantando cabes.
A pesar cu nos tin un ley di Aruba cu
ta duna Reino cierto poder den vigilancia di nos estado
financiero, parce cu gobierno di Aruba ta haciendo
todo por todo pa mantene e influencia Hulandes na
un minimo.
E conseho preliminar di CAFT riba e version prelimi-
nar di e presupuesto, ya caba tabata anuncia e siguien-
te conflicto. Tempo ta sigui core y version definitivo di Reino, unda nos por a mira aña pasa cu gobierno di
presupuesto no ta aparece. E problema grandi ta cu no
ta yegando na acuerdo cu e supervision di Reino, pa
percura pa un presupuesto cu por bay Parlamento, sin
e peligro cu despues lo bin un intervencion pa cambia
e presupuesto na un manera cu lo tin ‘visto bueno’ di
Reino. Na e momento aki ni CAFT a haya e version
definitivo di e presupuesto, te pa esaki bay pa Raad
van Advies, pa despues di contesta di gobierno, final-
mente e documento yega Parlamento.
Presidente di Parlamento tambe a cuminsa bira nervi-
oso, y a anuncia cu e presupuesto mester ta na Parla-
mento pa mas tarda 15 di november, pa e organismo
por garantisa un tratamento debido di e proyecto di ley.
Cu esey e ta indicando cu tur cos ta laat caba, pasobra
pa mita di november apenas e documento por tin su
contesta di CAFT, si e organismo aki haya e presu-
puesto awe…
Aparentemente presencia di Plasterk, camufla cu al-
gun tema y encuentro di segundo orden, tin di haci cu
e tumamento di un decision definitivo ki rumbo lo bay
cu e presupuesto. E puntonan di diferencia ta princi-
palmente lo siguiente:
- Posibel entrada gubernamental di crecemento
economico na 2016, cual den bista di CAFT ta de-
masiado optimista (6,4% di GDP). CAFT ta di
opinion cu 3,5% lo ta un cifra mas realistico; esaki
por haci un diferencia di como 30 miyon florin menos
na entrada;
- CAFT no ta mira e cortamento di gasto di
personal cu lo mester tuma luga segun e plan multi
anual te 2018 cu gobierno di Aruba mes a propone,
bao di e capitulo di ‘halvering arbeidscontractanten en
natuurlijk verloop’. CAFT ta mira un cortamento di
6 miyon, mientras ta planea 90 miyon florin.
Segun fuentenan bon informa, esaki ta un ultimo in-
tento di parti di Plasterk pa yega na un acuerdo cu por
duna un salida elegante na cada banda di mesa. Si
no yega na un acuerdo, seguidamente CAFT lo duna
un opinion negativo, posiblemente sigui pa Raad van
Advies. Si gobierno di Aruba insisti den manda e pre-
supuesto Parlamento sin e cambionan sugeri, aproba-
cion den Parlamento lo mira un evaluacion negativo
di CAFT, notificacion na gobierno di Reino, y un
‘aanwijzing’ na gobierno di Aruba pa adapta nan
presupuesto.
Esey lo significa e inicio di otro conflicto grandi den
Reino, gusta of no, ta di orden mas halto cu e gobierno
di Aruba.
Di otro banda, gobierno di Aruba por acepta pa baha
cabes, haci e cambionan pidi y manda e version final
cu urgencia pa CAFT, pa despues e documento bay
Raad van Advies den di dos parti di luna di novem-
ber, y yega Parlamento inicio di december, pa keda cla
prome cu Pasco. Si esey ta bay ta e scenario, anto me-
sora e pregunta ta surgi unda e espacio pa introduci ley
fiscal nobo ta keda, tanto pa loke ta e ABB cu mester
reemplasa varios otro ley, y e accijns riba gasolin y die-
sel, cu ta hayando hopi resistencia den comunidad.
Nos lo no mester keda straña cu atencion mayor lo bay
na termina e presupuesto di bon manera y cu tur cam-
bio den e regimen fiscal ta keda pa despues. Esey riba
su mes lo por conta cu un recepcion positivo di mayoria
di comercio, no necesariamente pasobra nan ta contra
e cambionan fiscal proponi, pero si nan ta preocupa cu
gobierno ta sirbiendo un tras di otro ‘sopi pura cu ta
sali salo’. Despues di e chasconan cu BAZV y e aven-
tura di parkeer, djis pa menciona algun, ken tin gana
den mas sopi por lo pronto?
Naturalmente cu den e scenario aki gobierno di Aru-
ba, despues di a sapatia tanto, ta acepta cu tin cu im-
plementa e medidanan necesario, cu tur e consecuencia
cu esaki por tin pa e popularidad di e gabinete aki,
cu no ta di gaba caba. Medida no ta toca na porta di
contrincante politico so, sino ta pasa cerca tur esunnan
cu apenas dos aña pasa a kere den e discurso di pre-
mier Eman, cu ta su adversarionan tabata exagera e
situacion financiero malo di gobierno. Mientras tanto
nan por sa miho.
E final di e ‘continuing story’ aki lo bira conoci den
e dianan cu ta sigui. Si Plasterk subi avion sin un
resultado concreto cu tur dos banda por biba cun’e, nos
por prepara pa un fin di aña cu hopi vuurwerk, pero
no importa di China.q