Page 35 - MIN JUS SEPT 25, 2015

Homber cu a core cu machete tras di señora y destrui su
auto, tin cu paga 1.380 dollar

Publication: Friday, 25 September 2015. Categoria: Judicial

ORANJESTAD (AAN): E sospechoso M.G.S mester a presenta na corte di husticia Diahuebs,
pa motibo cu el a wordo acusa di a menaza un persona cu morto riba 18 di April 2015, dor di
mustre un machete y/of bise: “mi ta bay corta bo na mochi”.

Banda di esaki, el a wordo acusa di a destrui auto di e persona riba 18 di April 2015.

Huez a repasa e procesverbal di e caso, unda cu a Sali na cla cu M.S tabata huur un apartamento
cerca un señora y riba un anochi el a yega cas burachi y a cuminza un discusion entre M.S y e
señora.

E señora a declara cu na dado momento e homber a cuminza core su tras cu machete, despues di
cual el a causa destruccion na auto di e señora.

E muher na corte a entrega un demanda di e daño hasi na su auto cu ta 880 dollar y pa e daño
inmaterial, esta e momentonan di susto cu el pasa aden ora cu e homber tabata core su tras cu
machete, el a hasi un demanda di 500 dollar.

Fiscal no a haya cu e homber mester bay bek den prison, pues el a exigi contra M.S un castigo
igual na e 4 dianan cu el a sinta caba den detencion preventivo.

Banda di esaki el a pidi huez pa honra e demanda di e victima.

Despues cu abogado Caroline Hart a presenta su defensa, huez a bay di acuerdo cu exigencia di
fiscal y a condena M.S na un castigo igual na e 4 dianan cu el a sinta caba.

Banda di esaki e acusado tin cu paga e persona perhudica un total di 1.380 dollar, na daño
material y inmaterial.

http://www.diario.aw/2015/09/homber-cu-a-core-cu-machete-tras-di-senora-y-destrui-su-auto-tin-cu-
paga-1-380-dollar/