Page 24 - HOSPITAAL

Aruba lo sera conoci cu un tecnica cu a ser desaroya na Universidad di California (UCLA) pa Dr.
Won Moon y su ekipo, unda cu Dr. Kawaiah tambe a forma parti di e developer team aki. E
novedoso tecnica aki ta Microimplant-assisted rapid palatal expansion (MARPE) y ta ser usa cu

pacientenan cu ta sufri di un deficiencia maxilar. Problemanan cu si no ta wordo trata na tempo por
agrava, te cu e situacion ta bira mas compleho, unda cu e ta afecta e crecemento facial y por genera
problemanan respiratorio causa pa e contraccion nasal (Apnea Syndrome, Obstructive Sleep Apnea

Syndrome).

Dr. Kawaiah, originalmente naci na Syria, tin 2 aña na Aruba y ta den cumpli 30 aña den e profesion
aki. E ta conta cu un curriculum extenso di estudio unda cu Dr. Kawaiah a cuminsa su carera como

Chirurgien Dentist, gradua di Universidad Oran di Algeria, sigui pa Orthopedie Dento-Facial na
Université Paul Sabatier Toulouse na Francia. Despues a sigui su studionan na Canada unda a gradua
como Docteur en Médecine Dentaire (DMD) di Université de Montreal. Algun aña despues a bay

Merca y a drenta UCLA, unda el’a obtene e titulo di Orthodoncist ACT (Advanced Clinical Training
& Orthodontics);y finalmente a tuma e programa di Orthodontic Biomechanics na e academia di
Giorgio Fiorelli na Italia.

Durante e anochi aki lo ser presenta diferente casonan di pacientenan local cu a ser diagnostica e
operacion maxilofacial y cu nan a opta pa e alternativa menos invasivo di e MARPE pa coregi nan
kaak. E entrada ta completamente gratis pero e seating ta limita, pesey ta pidi e personanan interesa,

pa registra na kawaiahabdal@gmail.com y aparta nan cupo.