Page 12 - MIN SJA 11 MAART 2016

16 AWEMainta Diabierna, 11 Maart 2016

“Bo Futuro ta den Bo Man” ta activo den dos districto

Den un esfuerso pa tene
hobennan activo en bes di
ta riba caya sin haci nada!

MINISTERIO di Husticia di Aruba ta ta continua cu e proyecto,

“Bo Futuro ta den Bo Man”, financia pa medio di e bon colaboracion
cu Ministerio di Husticia di Hulanda. E proyecto ta dunando bon
resultado caba den e dos districtonan unda cu a crea gruponan
di trabao cu ta provee guia na hobennan cu a haya nan mes den
problema of ta sali di un seno unda cu e situacion economico ta debil.
E meta di e programa aki ta pa tene e hobennan activo den deporte
y cu weganan positivo. Finalmente loke kier logra ta pa aporta na
un bon desaroyo pa e hobennan, pa nan lanta sano, cu un actitud
sano, cu speransa y plannan positivo pa nan futuro. Loke kier logra
na final di dia ta pa medio di diferente proyecto aporta na e reduccion
di criminalidad.
Minister di Husticia, mr. drs. Arthur Dowers a apunta dos grupo,
un na San Nicolas y un na Dakota, unda ta ofreciendo actividadnan
deportivo dos biaha pa siman. E grupo na San Nicolas ta ricibi guia
di Carmelita Haynes y esun di Dakota ta cay bao di guia di Harvey
Clement.
Ademas, di actividadnan deportivo gratis, lo agrega otro tipo di
actividad y pasatemponan manera workshop y lecturanan cu
topiconan practico pa yuda e muchanan bira mas “weerbaar” of
fuerte pa cu presion y tentacion pa uza droga, mal uzo di alcohol, y
otro actividadnan negativo.
E programa lo inclui lecturanan tocante di droga y actividadnan
social, programanan di deporte, y lo brinda oportunidadnan pa
e hobennan orienta nan mes riba diferente tereno. Cada grupo ta
consisti di mas of menos 30 mucha, y e proyecto piloto, cu a cuminsa
for di aña 2015, ta dunando resultadonan positivo caba.